कश्मीरमा भारतले गरेको कडाइप्रति संयुक्त राष्ट्रसंघको गम्भीर चासो

होमल्याण्ड खबर

२०७६ श्रावण २३ गते, बिहीबार १२:५१ मा प्रकाशित

एजेन्सी। संयुक्त राष्ट्रसंघले भारत प्रशासित कश्मीरमा गरिएका कडाइहरूबारे गम्भीर चासो व्यक्त गर्दै उक्त स्थानमा मानवाधिकारको स्थिति झन् बिग्रिन सक्ने भन्दै चिन्ता व्यक्त गरेको छ ।

एक प्रवक्ताले कश्मीरमा सञ्चार बन्द गरिएको, नेताहरूलाई पक्राउ गरिएको र राजनीतिक भेला गर्न प्रतिबन्ध लगाइएकोबारे चासो व्यक्त गरेका छन् ।जम्मू–कश्मीरलाई दिइएको विशेष संवैधानिक अधिकार खारेज गर्दै भारत सरकारले सो राज्यलाई केन्द्रशासित प्रदेश बनाएको छ । आइतवारदेखि फोन र इन्टरनेट बन्द गरिएको छ । हाल पनि कश्मीर बन्दको अवस्थामै रहेको छ ।

ट्वीटरमा प्रेषित भिडिओ सन्देशमा ती प्रवक्ताले कश्मीरमा मानवाधिकारको स्थितिबारे गत जुलाई ८ मा प्रकाशित प्रतिवेदनको प्रसंग उल्लेख गरेका छन् ।
सो प्रतिवेदनमा सरकारले विरोध दबाउन बारम्बार सञ्चार बन्द गरेको, दण्ड दिन राजनीतिक विरोधीलाई कसरी जथाभावी पक्राउ गर्याे र गैरन्यायिक हत्या तथा मानिसहरू गम्भीर घाइते हुनेगरी विरोधप्रदर्शन नियन्त्रण गर्न कसरी धेरै सुरक्षाकर्मी परिचालन गर्यो भन्ने विवरण भएको उनले बताए ।
दूरसञ्चार पूर्णत बन्द गरिएको, नेताहरूलाई जथाभावी पक्राउ गरिएको विवरण तथा शान्तिपूर्ण भेला गर्न प्रतिबन्ध लगाइएको हुनाले ती विषयको राष्ट्रसंघले अध्ययन गरिरहेको उनले बताए ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित