१० मंसिर २०८१, सोमबार
२०७६ फाल्गुन १३ गते, मंगलवार १२:५२ मा प्रकाशित
दक्षिण कोरियामा कोरोना भाइरसको प्रकोप बढ्दै गएपछि रोजगारीका लागि नेपाली कामदार तत्काल नपठाइने भएको छ । वैदेशिक रोजगार विभागले कोरियामा कोरोनाको संक्रमण बढ्दै गएकाले नेपाली कामदार नपठाउन आग्रह गरेको जनाएको छ ।
विभागका महानिर्देशक कुमारप्रसाद दाहालले आगामी फागुन १८ गते कोरिया पठाउन लागिएको नेपाली कामदार नपठाउन सिफारिस गरिएको बताए । दक्षिण कोरियामा सरकारिस्तरबाट नेपाली कामदार पठाउँदै आएको छ । हालसम्म दक्षिण कोरियामा सरकारीस्तरबाट करिब ४० हजार नेपाली गएको दाहालले बताए ।
उनले भने, “कोरियामा कोरोना भाइसरको प्रकोप बढ्दै गएको बेला कसरी यस्तो अवस्थामा नेपालीलाई पठाउने ?” उनले हालकै अवस्थामा नेपाली कामदार कोरिया पठाउन नहुने बताए ।
उता, दक्षिण कोरियास्थित नेपाली राजदूतावासले कोरोना भाइरसको संक्रमण बढ्दै गएकाले सचेतना अपनाउन कोरियामा रहेका नेपालीहरूलाई आग्रह गरिसकेको छ ।
सिओलस्थित राजदूतावासले सबैभन्दा बढी प्रभावित थेगु तथा आसवासका क्षेत्रमा रहेका नेपाली विद्यार्थी, अन्य पेशा, व्यवसाय र श्रम गरी बसेका नेपालीहरूलाई विशेष सावधानी अपनाउन राजदूतावासले आग्रह गरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
