१० मंसिर २०८१, सोमबार
२०७६ फाल्गुन २९ गते, बिहीबार १२:०४ मा प्रकाशित
कोरोनाका कारण भारतले एक महिनासम्म लागू हुने गरि मानिस आवत जावतमा प्रतिबन्ध गर्ने निर्णय गरेको छ । इन्डियन एक्सप्रेसका अनुसार आज राति १२ बजेबाट लागू हुने गरि विदेशबाट भारत आउन खोजेका सम्पूर्ण नागरिकलाइ आगमनमा प्रतिबन्ध लगाएको हो ।
विश्व स्वास्थ्य संगठनले कोरोना भाइरसलाई महामारी घोषणा गरेपछि भारतले कोरोना भाइरस सर्न नदिन बुधबार साँझ नै कडा निर्णय लिएको छ । भारतले विदेशीलाई भीसा समेत रद्द गरेको छ । कुनैपनि विदेशी पर्यटक भारत प्रवेश गर्न पाउने छैनन् । मानिसको यात्रामा समेत कडाई गरिने भएको छ ।
भारतले अहिले भइरहेको भीसा, कुटनीतिक, अन्तर्राष्ट्रिय संघसंस्था, रोजगार, प्रोजेक्ट भीसालाई भने रद्द नगर्ने भएको छ भने गैरआवाशीय भारतीय कार्डधारीलाई निःशुल्क यात्रा भीसा दिदै आएकोमा एक महिनाका लागि रद्द गरेको छ । यो सबै निर्णय शुक्रबारबाट लागू हुनेछ ।
भारतमा बुधबारसम्म ६० जनालाई कोरोना भाइरसको संक्रमण देखिएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
