टिकटकलाई अमेरीकामा प्रतिबन्ध लगाउने ट्रम्पको आदेशविरुद्ध मुद्धा दायर

होमल्याण्ड खबर

२०७७ भाद्र ९ गते, मंगलवार ०९:३४ मा प्रकाशित

काठमाडौँ । चिनियाँ कम्पनी टिकटक र अमेरिकाबीचको विवाद अदालतमा पुगेको छ । अमेरिकी राष्ट्रपति डोनाल्ड ट्रम्पले टिकटकलाई प्रतिबन्ध लगाउने कार्यकारी आदेशविरुद्ध अदालतमा मुद्धा दायर गरेको हो । राजनीतिक रुपमा टिकटकलाई अमेरिकामा प्रतिबन्ध लगाइएको भन्दै टिकटकले राष्ट्रपतिको कार्यकारी आदेशको विरुद्ध मुद्धा दायर गरेको जनाएको छ ।

टिकटकको मुख्य कम्पनि बाइटडान्सले क्यालिफोर्नियाको फेडेरल कोर्टमा मुद्दा दायर गर्दै आफुमाथि लगाइएको आरोपको बारेमा स्पष्टीकरण दिने मौका समेत नदिइ प्रतिबन्ध लगाएको उल्लेख गरेको छ । साथै टिकटकले अमेरिकामा १० हजार भन्दा बढीलाई रोजगारी दिएको र लाखौ अमेरिकीले टिकटक बाट लिएको मनोरंजनको अवसर खोसिने डर उत्पन्न भएको जनाएको छ ।

राष्ट्रपति ट्रम्पले गत श्रावण अन्तिम साता ४५ दिनको अल्टिमेटम दिदै चिनिया एप टिकटक र वीच्याट अमेरिकी कम्पनिलाई बेच्न आदेश जारी गर्नुभएको थियो । साथै यस अवधिमा टिकटकको निर्माता कम्पनि बाइटडान्ससँग कुनै किसिमको कारोबार नगर्न समेत आदेश दिइएको थियो ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित