विश्वभर काेराेनाबाट मृत्यु हुनेकाे संख्या ९ लाख नाघ्याे

होमल्याण्ड खबर

२०७७ भाद्र २५ गते, बिहीबार ११:४७ मा प्रकाशित

काठमाडाैं। विश्वमा कोरोनाभाइरस अर्थात् कोभिड-१९ बाट मृत्यु हुनेकाे संख्या ९ लाख नाघेकाे छ । विभिन्न तथ्याङ्क निकाल्ने संस्था वर्ल्डो मिटर्स डट इन्फोका अनुसार बिहीबार बिहानसम्म काेराेनाभाइरसका कारण मृत्यु हुनेकाे संख्या ९ लाख ७ हजार ३०४ पुगेकाे छ ।

विश्वमा कोरोनाबाट संक्रमित हुनेकाे संख्या भने दुई कराेड ८० लाख नाघेकाे छ । कुल सङ्क्रमितमध्ये दुई कराेड ९१ हजार बढी उपचारपछि घर फर्किएका छन् । पछिल्लाे २४ घण्टामा मात्रै विश्वभर २ लाख ८६ हजार बढी नयाँ संक्रमित भेटिएका छन् भने ६ हजार २ सय २२ जनाकाे मृत्यु भएकाे छ । त्यस्तै २ लाख ७० हजार डिस्चार्ज भएका छन् ।

कुन देशकाे अवस्था कस्ताे ?

अमेरिका

कोरोनाको उद्गम स्थल चीन भए तापनि कोरोना संक्रमणबाट सबैभन्दा बढी मृत्यु हुनेमा अमेरिका पर्छ । अहिलेसम्म अमेरिकामा १ लाख ९५ हजार २३९ जनाको मृत्यु भइसकेको छ । संक्रमितकाे संख्या भने ६५ लाख ४९ हजार ४७५ पुगेकाे छ ।

संक्रमितमध्ये ३८ लाख ४६ हजार ९५ जना भने पूर्णरूपमा निको भइसकेका छन् । अहिले त्यहाँ २५ लाख ८ हजार बढीमा कोरोनाको सक्रिय रहेको छ । संक्रमितमध्ये ११ हजार बढीकाे अवस्था गम्भीर रहेको छ ।

भारत

छिमेकी मुलुक भारत अहिले एसियाकै महामारी केन्द्र बनिरहेकाे छ । एसियाली देशहरूमा सबैभन्दा बढी काेराेना भाइरसक संक्रमितहरू भारतमै फेला परेका छन् । अमेरिकापछि सबैभन्दा बढी संक्रमित हुनेमा भारत पर्छ । भारतमा पछिल्लाे समय दैनिक संक्रमित संख्या र मृत्यु संख्या झन् बढ्दै गएकाे छ ।

अहिलेसम्म भारतमा ४४ लाख ६२ हजार बढी संक्रमित भएका छन् । पछिल्लाे २४ घण्टाम मात्रै भारतमा ९५ हजार ५२९ नयाँ संक्रमित फेला परेका छन् ।  काेराेनाका कारण ७५ हजार ९१ जनाकाे ज्यान गएकाे छ । संक्रमितमध्ये ३४ लाख ६९ हजार बढी पूर्ण रूपमा निकाे भएका छन् । अहिले त्यहाँ ९ लाख १८ हजार बढीमा काेराेना सक्रिय रहेकाे छ ।

ब्राजिल

अमेरिका र भारतपछि सबैभन्दा बढी संक्रमित हुनेमा ब्राजिल पर्छ । अहिलेसम्म त्यहाँ काेराेनाबाट संक्रमित हुनेकाे संख्या ४१ लाख ९९ हजार ३३२ पुगेकाे छ भने काेराेनाका कारण मृत्यु हुेकाे संख्या १ लाख २८ हजार ६५३ पुगेकाे छ ।

संक्रमितमध्ये ३४ लाख ५३ हजार पूर्णरूपमा निकाे भएका छन् । अहिले त्यहाँ ६ लाख १७ हजार बढीकाे काेराेना सक्रिय रहेकाे छ । तीमध्ये ८ हजार ३१८ काे अवस्था गम्भीर रहेकाे छ ।

रूस

रूस अहिलेसम्म १० लाख ४१ हजार ७ मानिस काेराेनाबाट संक्रमित भएका छन् । काेराेनाका कारण मृत्यु हुनेकाे संख्या भने १८ हजार १३५ पुगेकाे छ ।

संक्रमितमध्ये ८ लाख ५६ हजार बढी पूर्णरूपमा निकाे भएका छन् । अहिले त्यहाँ १ लाख ६६ हजार बढीमा काेराेना संक्रिय रहेकाे छ । तीमध्ये २३ सयकाे अवस्था गम्भीर रहेकाे छ ।

अरू तालिकामा हेर्नुहाेस्

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित