१० मंसिर २०८१, सोमबार
२०७७ मंसिर १२ गते, शुक्रबार १५:४१ मा प्रकाशित
एजेन्सी । कोरोना खोप आउनुभन्दा पहिले भारतमा प्राथमिकता समूहलाई अन्तिम रूप दिएको छ । पहिलो चरणमा ३१ करोड भारतीय जनतालाई खोप दिइनेछ । यसमा स्वास्थ्यकर्मीहरू, पुलिस, ५० बर्ष भन्दा माथिका र उच्च जोखिम समूहका युवाहरू सामेल छन् । सरकारले अक्सफोर्ड–एस्ट्राजेनेका खोपको पूर्ण दुई डोजको परीक्षणबाट प्रारम्भिक तथ्यांकलाई संकलन गरेर लगाउने गर्ने निर्णय गरेको छ ।
सल्लाहकार के. विजयराघवनका अनुसार डा. भीके पोलको अध्यक्षतामा रहेको राष्ट्रिय खोप समितिले खोप लिने पहिलो व्यक्ति को लागी ब्लूप्रिन्ट तयार गरेको छ । उनले विज्ञान मन्त्रालय र भारतीय उद्योग परिसंघ (सीआईआई) को बैठकमा उनले ३१ करोड मानिसमा खोप लगाइने पहिचान भइसकेको जानकारी दिएका हुन । उक्त खोप मार्चदेखि मे महिनाभित्रमा दिइने योजना बनाएको छ ।
विजयराघवनले भने, ‘हाम्रो देशमा एक करोड स्वास्थ्यकर्मी, २ करोड राज्य र केन्द्रीय सरकार पुलिस, सशस्त्र बल, होमगार्ड्स, नागरिक रक्षा, २६ करोड सदस्य प्राथमिकता समूहका ५० बर्ष भन्दा बढी उमेर र ५० भन्दा कम उमेरका उच्च जोखिम समूहको १ करोड सदस्य खोप लिने पहिलो हुनेछन । यस अघि केन्द्रीय स्वास्थ्य मन्त्री हर्षवर्धनले यो खोप २०२१ को पहिलो त्रैमासिकदेखि शुरु हुने बताएका थिए । २५ करोड मानिस खोप लागू गर्न तयार छन् । जुलाईसम्ममा भारतमा ४०देखि ५० करोड डोज खोप उपलब्ध हुने छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
