१० मंसिर २०८१, सोमबार
२०७७ चैत्र ११ गते, बुधबार १२:५७ मा प्रकाशित
उत्तर कोरियाले पुनः क्षेप्यास्त्र परीक्षण गरेको छ । अमेरिकामा नयाँ राष्ट्रपति छानिएर सरकार बनेको दुई महिनापछि उत्तरले क्षेप्यात्र परीक्षण गरेको हो ।
बीबीसीका अनुसार आइतबार बिहान उत्तर कोरियाले दुई क्रुज क्षेप्यास्त्र परीक्षण गरेको थियो ।
राष्ट्रपतिको निर्वाचनमा डोनाल्ड ट्रम्पलाई पराजित गर्दै जो बाइडेनले गत जनवरी २० मा राष्ट्रपतिको कार्यकाल सम्हालेका थिए ।
सीएनएनका अनुसार बाइडेन प्रशासन बनेपछि उत्तर कोरियाको यो पहिलो क्षेप्यास्त्र परीक्षण हो ।
उत्तर कोरियाले गर्ने हरेक क्षेप्यास्त्र परीक्षणलाई चेतावनीको रुपमा लिने गरिएको छ ।
तर उत्तरको यसपटकको छोटो दूरीको क्षेप्यास्त्र परीक्षणलाई अमेरिकाले सामान्य ठानेको समाचारमा जनाइएको छ । अमेरिकी राष्ट्रपति जो बाइडेनले उत्तरले क्षेप्यास्त्र परीक्षण कसैलाई उक्साउनका लागि नगरेको बताएका छन् ।
अमेरिकी अधिकारीहरुका अनुसार उत्तर कोरियाले संयुक्त राष्ट्रसङ्घ सुरक्षा परिषद्को प्रतिबन्ध नमिचिने गरी क्षेप्यास्त्र परीक्षण गरेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
