१० मंसिर २०८१, सोमबार
२०७८ जेष्ठ १२ गते, बुधबार १५:०० मा प्रकाशित
कोरोना भाइरस (कोभिड–१९) महामारीविरुद्ध दुई देशका राजनीतिक दलले संयुक्त लडाइँ थाल्नुपर्ने बताउँदै चिनियाँ कम्युनिस्ट पार्टी (सीसीपी) र नेपालका राजनीतिक दलहरूबीच भर्चुअल बैठक सुरु भएको छ ।
प्राप्त सूचनाअनुसार ‘महामारीविरुद्ध लड्न र जनताको जीवन रक्षा गर्न सँगै काम गर्ने तथा चीन र नेपालका राजनीतिक दलहरूको महामारीविरुद्ध संयुक्त लडाइँ’ शीर्षकमा बैठक भएको हो ।
बैठकमा नेपालका तर्फबाट नेकपा एमाले, नेपाली कांग्रेस, नेकपा माओवादी केन्द्र, जसपा, नेपाल मजदुर किसान पार्टीलगायतका नेताहरू सहभागी छन् । नेकपा एमालेबाट महासचिव तथा उपप्रधानमन्त्री ईश्वर पोखरेल, कांग्रेसबाट नेता नारायण खड्का, नेकपा माओवादी केन्द्रबाट अध्यक्ष पुष्पकमल दाहाल र कृष्णबहादुर महराले सहभागिता जनाएका छन् । जसपाबाट अध्यक्ष उपेन्द्र यादवले सहभागिता जनाएका छन् ।
सीसीपीले यसअघि भर्चुअल र नेपालमै आएर कार्यक्रम गर्दा एमाले र माओवादी केन्द्र मिलेर बनेको नेकपा पार्टीसँग मात्र गर्दै आएको थियो । नेकपा फुटेपछि सीसीपीले यसपटक अन्य राजनीतिक दललाई पनि छलफलमा सहभागी गराएको हो ।
सीसीपीको अन्तर्राष्ट्रिय सम्बन्ध विभागले आयोजना गरेको बैठकको नेतृत्व विभागका प्रमुख सोङ ताओले गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
