१० मंसिर २०८१, सोमबार
२०७८ जेष्ठ १४ गते, शुक्रबार १४:२१ मा प्रकाशित
परराष्ट्रमन्त्री प्रदीप ज्ञवालीले चीनले दिने १० लाख खोप एक साताभित्र नेपाल ल्याइसक्ने बताएका छन् । चीनका राष्ट्रपति सी जिङपिङले नेपालमा कोरोना रोकथाम गर्न आफूहरूको दायित्व भन्दै नेपाल सरकारलाई १० लाख डोज खोप दिने बताएका थिए ।
गत बुधबार राष्ट्रपति विद्यादेवी भण्डारी र चिनियाँ समकक्षी सी जिनपिङबीच ४५ मिनेट फोन वार्ता भएको थियो । फोन वार्तामा राष्ट्रपति भण्डारीले चिनियाँ समकक्षी सीलाई कोरोना भाइरस (कोभिड–१९)विरुद्धको खोप खरिद प्रक्रियामा सहजीकरण गरिदिन अनुरोध गरेकी थिइन् ।
मन्त्री ज्ञवालीले भने, ‘चीनबाट २ लाख खोप तिब्बत नाका हुँदै पर्सीसम्म नेपाल आइपुग्छ, बाँकी ८ लाख आगामी २ तारिकसम्म नेपाल ल्याइसक्ने छौँ ।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
