दक्षिण अफ्रिकामा कोरोना भाइरसको नयाँ भेरिएन्ट भेटियो, खोपको प्रभाव कम हुने चेतावनी

होमल्याण्ड खबर

२०७८ भाद्र १५ गते, मंगलवार ११:३७ मा प्रकाशित

एजेन्सी । दक्षिण अफ्रिकाका अनुसन्धानकर्ताहरुले कोरोनाको नयाँ भेरियन्ट ‘सी.१.२’ पत्ता लागेको दाबी गरेका छन् । यो भेरियन्ट तीव्र रुपमा फैलिने र यस विरुद्ध हालसम्म विकसित खोपहरुको प्रभाव निकै कम हुने पनि उनीहरुले बताएका छन् ।

दक्षिण अफ्रिकाको नेसनल इन्स्टिच्युट फर कम्युनिकेबल डिजिज (एनआईसीडी) का वैज्ञानिकहरु र इनोभेसन एन्ड सिक्वेन्सिङ प्लेटफर्मको अनुसन्धानले पत्ता लगाएको सी.१.२ भेरियन्ट सबैभन्दा पहिला गत मे महिनामा दक्षिण अफ्रिकामा देखिएको थियो ।

त्यसपछि सो भेरियन्ट कंगो, मरिसस, चीन, बेलायत, न्युजिल्यान्ड, पोर्चुगल र स्विजट्रल्यान्डमा समेत देखिएको उनीहरुको भनाइ छ । नयाँ भाइरसको जिनोम संख्या प्रत्येक महिना वृद्धि भइरहेको भन्दै अनुसन्धानकर्ताहरुले जिनो वृद्धिको दर मे महिनामा शून्य दलमलव २ प्रतिशतबाट जुनमा १ दशमलव ६ प्रतिशत र जुलाईमा २ प्रतिशतमा पुगेको बताएका छन् ।

अनुसन्धानकर्ताहरुले यो वृद्धि दरलाई दक्षिण अफ्रिकामा बेटा र डेल्टा भेरियन्ट देखिने ताकाको जस्तै भनेका छन् । केही निश्चित एन्टीबडीबाट इम्युन स्केप गर्न सम्बन्धित एन ४४० के र वाई ४४९ एच नयाँ भेरियन्ट सी.१.२ सिक्वेनसिङमा देखिएको रिपार्टमा उल्लेख छ ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित