जलेको गमगढी बजारका उराठ लाग्दा (तस्बिरहरु)

होमल्याण्ड खबर

२०७८ कार्तिक ३० गते, मंगलवार १३:४६ मा प्रकाशित

मुगुको गमगढी बजारमा सोमबार राति लागेको आगो अझै पूर्ण रुपमा नियन्त्रणमा आएको छैन । पानीको अभावले आगो धेरै घरमा फैलिएको र नियन्त्रणमा लिन कठिन भएको स्थानीय बासिन्दा तथा उद्धारमा खटिएका रोशन जंग शाहीले बताएका छन् ।

अहिले पनि जलेका घरबाट धुवाँ निस्किरहेको छ । राति १२ बजेतिर सुरुभएको आगलागीबाट राराछायानाथ नगरपालिका–१ को तल्लो गमगढी बजारका कम्तीमा २० घरमा पूर्ण क्षति भएको छ । अर्को एउटा घर आगो नफैलियोस् भन्नका लागि भत्काइएको छ ।

‘मानवीय क्षति भएको छैन, तर २० घर सखाप भए’, शाहीले भने, ‘पानी थोपो नहुँदा ठूलो क्षति भयो । माटो–ढुंगाको भरमा आगो निभाउने प्रयास भएको हो ।’ स्थानीय एक घरमा पूजा कोठामा बालिएको दियोबाट आगो फैलिएको अनुमान छ । क्षतिको पूर्ण विवरण आउन समय लाग्ने बताइएको छ ।

सम्बन्धित खबर

४० लाख मूल्य बराबरको अवैध समानसहित दुई पक्राउ

कोहलपुरमा अतिक्रमण गरिएका सात सय घरटहरा हटाइए

मत्स्यनारायणमा भक्तजनको घुइँचो

डब्ल्यूएचओले गर्‍यो इबोला प्रकोपलाई विश्वव्यापी स्वास्थ्य संकटकाल घोषणा

घट्यो सुनचाँदीको मूल्य, आज कतिमा हुँदैछ किनबेच?

स्वास्थ्य प्रवर्द्धन केन्द्रमा सेवाग्राहीको घुइँचो