१० मंसिर २०८१, सोमबार
२०७८ पुष ७ गते, बुधबार ११:२३ मा प्रकाशित
एजेन्सी, अफ्रिकी मुलुक माडागास्करका एकजना मन्त्री हेलिकोप्टर दुर्घटनापछि समुद्रमा रातभर पौडिएर बाँच्न सफल भएक छन् । सोमबारको दुर्घटनापछि ५७ वर्षीय मन्त्री गेली साँझ साँढे ७ देखि भोलिपल्ट विहान साँढे ७ सम्म पौडिएर ज्यान बचाएका थिए । उनले आफूलाई कुनै चोट नलागेको तर चीसो भएको बताएका थिए ।
प्रहरीसम्बन्धी मन्त्री सेरगे गेलीले आफ्नो मृत्युको समय नआएको बताएका छन् । उनीसँगै रहेका दुई प्रहरी अधिकारी पनि बाँचेका छन् । ३९ जनाको मृत्यु हुनेगरी भएको यात्रुवाहक डुंगा दुर्घटनाको अवलोकन गर्न पुगेका उनीहरु चढेको हेलिकोप्टर समुन्द्रमा दुर्घटना भएको थियो । घटनाबाट बाँच्न सफल मन्त्री गेली समुन्द्रको किनारमा पुग्न सफल भए । घटनामा मृत्यु हुनेहरुप्रति राष्ट्रपति एन्ड्री रेजोलिनाले श्रद्धाञ्जली व्यक्त गरेका छन् । गेलीले बाँच्न सफल भएकोमा खुशी व्यक्त गरेका छन् ।
समुन्द्री तटको महाम्बो गाउँमा पुगेका मन्त्री गेलीले आफ्नो भिडियो परिवार, साथीभाई र सरकारी अधिकारीहरुसम्म पुगोस् भनेका थिए । भिडियोमा उनी प्रहरीको पोशाकमा देखिन्छन् । निकै थाकेको देखिएका छन् । उनले हेलिकोप्टरको सिटलाई प्रयोग गरी पौडिएको जनाइएको छ ।
मन्त्री गेली खेलकुदमा चाख राख्छन् । अझै पनि नियमित व्यायाम गर्छन् । उनी पूर्व प्रहरी अधिकारी हुन् । यसैवर्ष मन्त्री नियुक्त भएपछि प्रहरी सेवा छाडेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
