नेपालको प्रगति र समृद्धिमा भारतको सहकार्य रहिरहन्छ : राजदूत क्वात्रा

होमल्याण्ड खबर

२०७८ माघ १२ गते, बुधबार १४:०१ मा प्रकाशित

काठमाडौंस्थित भारतीय राजदूतावासमा आज भारतको ७३ औं गणतन्त्र दिवस मनाइएको छ । नेपालका लागि भारतीय राजदूत विनय मोहन क्वात्राले भारतको राष्ट्रिय झण्डा झण्डोत्तोलन गरेसँगै कार्यक्रमको शुभारम्भ भएको थियो । त्यसपछि उनले भारतका माननीय राष्ट्रपतिको सन्देश पढेर सुनाएका थिए ।

भारतीय राजदूत क्वात्राले वीर नारी र मृतक सैनिकका निकटतम् नातेदारलाई नेरु ६.३५ करोड नगद तथा कम्बल वितरण गरी सम्मान गरेका छन् । सो अवसरमा राजदूत क्वात्राले नेपालको प्रगति, समृद्धि र विकासमा भारतको सहकार्य रहिरहने बताए ।

राजदूत क्वात्राले शुभकामना सन्देशमा नेपालको प्रगति, समृद्धि र विकासका साथै, द्विपक्षीय सम्बन्धको विकासमा भारतले बलियो आधार प्रदान गरेको बताए । ‘सन् २०२१ मा भएका केही उच्चस्तरीय राजनीतिक भेटघाटले भारत–नेपाल साझेदारीलाई महत्वपूर्ण गति प्रदान गरेको छ,’ उनले भने ।

दूतावासका अनुसार यसवर्ष नेपालका प्रदेश तथा जिल्लामा भारतको सहयोगमा कार्यान्वयन भएका ७५ वटा विकास परियोजनाहरु यसैवर्ष उद्घाटन गर्ने योजना छ । नेपालभरिका विभिन्न संस्था तथा स्थानीय निकायलाई दूतावासले ७५ वटा एम्बुलेन्स र स्कूल बस उपहारस्वरुप प्रदान गर्नेछ ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित