९ मंसिर २०८१, आईतवार
२०७८ फाल्गुन १८ गते, बुधबार १०:५४ मा प्रकाशित
अमेरिकी राष्ट्रपति जो बाइडेनले संसदलाई सम्बोधित गर्दै रुसका सबै उडानले अब अमेरिकी हवाई क्षेत्रको प्रयोग गर्न नसक्ने पुष्टि गरेका छन् । उनले आफ्नो भाषणका बेला यी रुसी उडानमा सबै प्रकारका व्यावसायिक र नीजि उडान समावेश भएको बताएका छन् ।
यसै प्रकारको कदम युरोपेली राष्ट्र र क्यानडाले पहिले नै उठाइसकेका छन् । बाइडेनले यो प्रतिबन्धले रुसलाई थप एक्ल्याउने र उसको अर्थव्यवस्थामा भारी दबाब पर्ने बताएका छन् ।
उनले रुसी मुद्रा रुबल र स्टक मार्केट पहिले नै आफ्नो भ्यालू ३० देखि ४० प्रतिशतसम्म गुमाइसकेको पनि बताए । राष्ट्रपति बाइडेनले अमेरिकीबाट युक्रेनी जनतालाई प्रेरणा लिन पनि भने ।
उनले भने, ‘पुटिनले ट्याङ्कले किभलाई पक्कै पनि घेर्न सक्छन् तर उनीहरुले कहिल्यै पनि मानिसको मन भने जित्न सक्नेछैनन् ।’
एजेन्सी
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
