९ मंसिर २०८१, आईतवार
२०७८ चैत्र १० गते, बिहीबार १७:०४ मा प्रकाशित
चीनका विदेशमन्त्री वाङ यी अफगानिस्तान पुगेका छन । बिहीवार उनी अफगानिस्तान पुगेको समाचार संस्था एएफपीले जनाएको छ । गएको अगस्टमा तालिबान समूहले सत्ता कब्जा गरेपछि अफगानिस्तान पुग्ने वाङ पहिलो विदेशमन्त्री हुन ।
तालिवान सरकारका उच्च अधिकारी अहमद यासिरले चीनका विदेशमन्त्री काबुल आएको जानकारी दिँदै उनले इस्लामिक सहयोग सङ्गठनको बैठकमा पनि सहभागी हुने बताएको खबरमा उल्लेख छ ।
चीनले अर्को हप्ता अफगानिस्तानमा सहयोग गर्नेबारे छिमेकी देशहरूसँग छलफल गर्न लागेको छ । काबुल भ्रमणका क्रममा विदेशमन्त्री वाङले अफगानिस्तानलाई आर्थिक सहयोग जुटाउनेबारे छलफल गर्नेछन ।
चीन र अफगानिस्तानबीच ७६ किलोमिटर लामो सीमा रहेकाले चीनले अफगानिस्तानबाट आतङ्कवादी खतरा नहोस् भनेर छलफललाई तीव्रता दिइरहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
