छात्रामाथि शिक्षकले दुर्व्यवहार गरेपछि गैंडाकोटको जनक कलेजमा आगजनी

होमल्याण्ड खबर

२०७९ बैशाख ४ गते, आईतवार १६:०२ मा प्रकाशित

गैंडाकोटको जनक कलेजका एक शिक्षकले छात्रालाई अश्लिल भिडियो देखाएर दुर्व्यवहार गरेको विरोधमा विद्यार्थीहरूले कलेजमा आगजनी गरेका छन् । स्थिति नियन्त्रणमा लिन प्रहरीले दुई राउण्ड हवाइफायर गरेको प्रत्यक्षदर्शीले बताएका छन् ।

४ दिनअघि एक शिक्षकले छात्रालाई अश्लिल भिडियो देखाएर हिंसा गरेको भन्दै विद्यार्थी आन्दोलमा उत्रिएका हुन् । भिडियो देखाउने शिक्षकलाई कारबाही गर्नुपर्ने भन्दै उनीहरूको माग छ । ती शिक्षकले कलेजको ल्याबमा छात्रालाई अश्लिल भिडियो देखाउँदै दुर्व्यवहार गर्ने प्रयास गरेको आरोप लागेको छ ।

घटना घटेको चार दिन बितिसक्दा पनि कारबाही प्रक्रिया सुरु नभएपछि विद्यार्थीहरु आक्रोशित भएका थिए । आरोपित शिक्षकमाथि अनुसन्धान हुनुपर्ने भन्दै उनीहरुले कलेज परिसरमा तोडफोड गर्नुका साथै दुईवटा मोटरसाइकलमा आगजनी गरेको प्रहरीले जनाएको छ ।

सम्बन्धित खबर

एनसेल मुख्यालयमा सीआईबीको छापा, कागजात नियन्त्रणमा

कालापानी र लिपुलेकको अतिक्रमित भूमि फिर्ता गर्न सरकारसँग एमालेको माग

नेप्से परिसूचक १० अंकले घट्यो

बहुमतको गणितले मात्रै संविधानका अक्षरहरू कोरिन हुँदैन : सुहाङ नेम्वाङ

प्रधानमन्त्रीको अनुपस्थितिमै नीति तथा कार्यक्रममाथि छलफल

सुनको मूल्य बढ्यो, प्रतितोला कति ?