२७ बैशाख २०८३, आईतवार
२०७९ मंसिर २३ गते, शुक्रबार १५:४३ मा प्रकाशित
मकवानपुरको मनहरी गाउँपालिका ७ स्थित पर्सा राष्ट्रिय निकुञ्ज क्षेत्रबाट अवैध लागू औषध गाँजाको धुलो ३८ केजीसहित सोही गाउँपालिका ७ बस्ने ३५ वर्षीय हरिकृष्ण अधिकारीसमेत दुई जनालाई प्रहरीले पक्राउ गरेको छ ।
अपरिचित मानिसले बोरामा शंकास्पद सामान बोकी हिँडिरहेको भन्ने सूचनाको आधारमा इलाका प्रहरी कार्यालय मनहरीबाट खटिएको प्रहरीले उनीहरूलाई बिहीबार दिउँसो पक्राउ गरेको हो ।
यस्तै, सर्लाहीको कबिलासी नगरपालिका १० सलेमपुर बस्ने ४५ वर्षीय शिवनारायण रायसमेत तीन जनालाई अवैध लागू औषध गाँजा तीन सय ग्राम र नगद एक हजार ५८० रूपैयाँसहित बिहीबार दिउँसो प्रहरीले पक्राउ गरेको छ ।
रायले आफ्नै भैँसी फर्ममा गाँजा बिक्री गरिरहेको भन्ने खबर प्राप्त भएसँगै प्रहरी चौकी कबिलासीबाट खटिएको प्रहरीले उनीहरूलाई उक्त गाँजा र नगदसहित फेला पारी पक्राउ गरेको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
