बंगलादेशमा बस दुर्घटना हुँदा १७ यात्रुको मृत्यु, ३५ घाइते

होमल्याण्ड खबर

२०८० श्रावण ७ गते, आईतवार ११:१८ मा प्रकाशित

 बंगलादेशको झलकाठी सदर उपजिल्लाको छत्रकांडा क्षेत्रमा बस पोखरीमा खस्दा तीन बालबालिकासहित १७ जनाको मृत्यु भएको छ । ३५ जना घाइते भएका छन् ।

समाचार एजेन्सी एएनआईले बंगलादेशी पत्रिका डेली स्टारलाई उद्धृत गर्दै यो जानकारी दिएको हो । चालकको लापरवाहीका कारण दुर्घटना भएको जनाइएको छ ।

दुर्घटनामा बाँचेकाहरुले बसमा यात्रुले ओभरलोड भएकाले दुर्घटना भएको बताएका छन् । डेली स्टारका अनुसार ५२ जना क्षमताको बसर मेमोरियल यातायातको बसमा ६० भन्दा बढी यात्रु सवार थिए । पिरोजपुरको भण्डारीयाबाट बिहान करिब ९ बजे छुटेको बस बरिशाल–खुल्ना राजमार्गको छत्रकाण्डामा बिहान १० बजेतिर सडक छेउको पोखरीमा खसेको थियो ।

प्रहरीका अनुसार दुर्घटनामा ज्यान गुमाउनेमा अधिकांश पिरोजपुरको भण्डारी उपजिल्ला र झलकाठीको राजापुर क्षेत्रका बासिन्दा रहेका छन् । गत महिना सडक दुर्घटनामा ५ सय ६२ जनाको मृत्यु भएको थियो

बंगलादेशमा बस दुर्घटना सामान्य बन्दै गएको छ । सडक सुरक्षा फाउण्डेशन (आरएसएफ)का अनुसार जुन महिनामा मात्रै ५ सय ५९ सडक दुर्घटनामा ५ सय ६२ जनाको मृत्यु भएको छ भने ८१२ जना घाइते भएका छन् ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित