८ मंसिर २०८१, शनिबार
२०८० माघ ५ गते, शुक्रबार ११:५९ मा प्रकाशित
एजेन्सी । गत हप्ता चन्द्रमामा अवतरणको उद्देश्यसहित प्रक्षेपण गरिएको एक अमेरिकी अन्तरिक्ष यान नष्ट गरेपछि प्रशान्त महासागरमा खसेको छ । पेरेग्रिन वानको प्रोपल्सनमा समस्या देखिएपछि उक्त यानको चन्द्रमामा अवतरण गर्ने सम्भावना समाप्त भएको थियो ।
योसँगै यानलाई आफै नष्ट गर्ने कमान्ड दिइएको थियो । निजी सञ्चालक पिट्सबर्गको एस्ट्रोबोटिकले यानलाई पृथ्वीको वायुमण्डलमा प्रवेश गराउँदै नष्ट गराएको थियो ।
अस्ट्रेलियाको क्यानबेरामा रहेको ट्रयाकिङ स्टेसनले ग्रिनविच मिनटाइम अनुसार राति ८ बजेर ५९ मिनेटमा पेरेग्रिन यानसँग सम्पर्कविच्छेद भएको जनाएको छ । पेरेग्रिन पूर्णरुपमा ध्वस्त भएको र महासागरमा यसको अवशेष फेला पार्न नसकिने अपेक्षा गरिएको छ ।
चन्द्रमाको स्थानीय वातावरणको अध्ययनका लागि त्यहाँ नासाको पाँचवटा उपकरण पुर्याउने यानको लक्ष्य रहेको थियो । यदि पेरेग्रिन यान सफलतापूर्वक अवतरण भएको भए पछिल्लो ५० वर्षमा चन्द्रमामा पुग्ने पहिलो अमेरिकी यान र अहिलेसम्मकै पहिलो निजी यान हुने थियो ।
हालसम्म अमेरिका, सोभियत संघ, चीन र भारतका सरकारी एजेन्सीले चन्द्रमामा सफलतापूर्वक आफ्नो मिसन पूरा गर्न सफल भएका छन् । चन्द्रमाको सतहमा अन्तरिक्ष यानलाई अवतरण गराउने काम निकै कठिन मानिन्छ । अहिलेसम्म गरिएका सबै प्रयासमध्ये आधामात्र सफल भएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
