८ मंसिर २०८१, शनिबार
२०८१ भाद्र ९ गते, आईतवार १६:१७ मा प्रकाशित
बंगलादेशले टेस्ट क्रिकेटमा नयाँ इतिहास बनाएको छ । बंगलादेशले पाकिस्तानविरुद्ध टेस्ट क्रिकेटमा पहिलो जीत हासिल गरेको छ । जारी टेस्ट सीरीजको पहिलो टेस्टको पाँचौं दिन पाकिस्तानले दिएको ३० रनको लक्ष्य बंगलादेशले कुनै विकेट नगुमाएर पुरा गर्दै १० विकेटको ऐतिहासिक जीत हासिल गरेको हो ।
यसअघि पहिला ब्याटिङ गर्दै पाकिस्तानले छ विकेट गुमाएर ४ सय ४८ रन बनाएर इनिङ घोषणा गर्दै बंगलादेशलाई ब्याटिङका लागि बोलाएको थियो । बंगलादेशले आफ्नो पहिलो इनिङमा ५६५ रन बनाएको थियो । त्यसपछि पाकिस्तानले दोस्रो इनिङमा १४६ रन बनाएर अल आउट भएपछि बंगलादेशले ३० रनको लक्ष्य पाएको थियो ।
यो जीतपछि बंगलादेशले दुई खेलको टेस्ट सीरीजमा १–० को अग्रता हासिल गरेको छ ।
योसंगै बंगलादेशले टेस्ट क्रिकेटमा आठ देशलाई पराजित गरेको छ । बंगलादेशले अहिलेसम्म अफगानिस्तान, श्रीलंका, अस्ट्रेलिया र आयरल्याण्डलाई एक खेलमा पराजित गरेको छ भने न्यूजील्याण्डलाई २, वेस्ट इण्डिजलाई ४ र जिम्बाबेलाई ८ टेस्टमा पराजित गरेको छ ।
अब सीरीजको दोस्रो खेल अगस्त ३० गतेदेखि प्रारम्भ हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
