हुवावे प्रकरण : क्यानडाका राजदूतलाई हाजिर हुन चीनको निर्देशन

होमल्याण्ड खबर

२०७५ मंसिर २३ गते, आईतवार १०:५० मा प्रकाशित

एजेन्सी । चीनले हुवावे कम्पनीका मुख्य वित्तीय अधिकारी मेंङ वानझोउलाई हिरासतमा लिएको विषयमा स्पष्टीकरणका लागि क्यानाडाका राजदूतलाई हाजिर हुन निर्देशन दिएको छ ।

साथै चीनले वानझोउलाई तत्काल रिहाइको लागि पनि माग गरेको छ । १ डिसेम्बरदेखि वानझोउ क्यानडाको हिरासतमा रहेकी छिन् । उनीमाथि इरानमाथिको प्रतिबन्धको उलंघन गरेको आरोप लगाइएको छ ।

हुवावेले इरानमा अर्को कम्पनीको नाममा आफ्ना उत्पादनहरु बिक्री गरेको आरोप लगाइएको छ ।

अमेरिकाले लामो समयदेखि हुवावेको प्रयोगले राष्ट्रिय सुरक्षाको जोखिम रहेको बताउँदै आएको छ । वानझोउ चिनियाँ राष्ट्रपति सि चिनफिङका निकट मानिन्छिन् ।

यसले आगामी दिनमा चीन–अमेरिका व्यापारयुद्ध रोक्ने मामिलामा असर पर्नसक्ने बताइएको छ ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित