लाजिम्पाटमा मध्यराति आगलागी हुँदा सुरक्षा गार्डको मृत्यु, ४ जना घाइते

होमल्याण्ड खबर

२०७५ चैत्र २२ गते, शुक्रबार १२:५७ मा प्रकाशित

काठमाडौंको लाजिम्पाटमा बिहीबार राति आगलागी हुँदा एक जनाको ज्यान गएको छ । आगलागीमा ४ जना घाइते भएका छन् । महानगरीय प्रहरी परिसर काठमाडौंका प्रवक्ता डिएसपी होविन्द्र बोगटीका अनुसार आगलागीमा परी ओखलढुंगाको पोखरी गाउँपालिका–२ का भेषबहादुर थापाको मृत्यु भएको हो । उनी ग्रुप फोर सेक्यूरिटी कम्पनी अन्तर्गत होटल शंकरमा सुरक्षागार्डको रुपमा कार्यरत थिए ।

नील सरस्वती मार्गमा रहेको धर्म महर्जनको ३ तले घरमा आगलागी हुँदा भाडामा बसेका थापाको मृत्यु भएको उनले बताए । घटनामा घाइते हुनेमा बर्दियाका विवेक शाही, उनकी श्रीमती गंगामाया शाहीसँगै चन्द्रमाया राई र बिना बस्नेत छन् । राई र बस्नेत उपचारपछि घर फर्किएका छन् भने शाही दम्पत्तिको उपचार भइरहेको छ । त्रिवि शिक्षण अस्पताल, महाराजगञ्जमा उपचार भइरहेका उनीहरुको अवस्था गम्भीर रहेको बताइएको छ । मध्यराति १२ बजेर ५ मिनेट जाँदा विद्युत् सर्ट भइ आगलागी भएको प्रारम्भिक अनुसन्धानबाट खुलेको प्रहरीले बतायो । 

सम्बन्धित खबर

पोखरामा सम्पन्न नेपाल–भारत बैठकले विद्युत खरिद दर बढायो

अनधिकृत रुपमा भूमि दिलाइदिने भ्रमका पछि नलाग्न आयोगको आग्रह

समानुपातिक सांसदको नाम आइतबार निर्वाचन आयोगमा पठाउने एमालेको तयारी

स्थानीयको अवरोधले काठमाडौं उपत्यकाको फोहोर विसर्जन रोकियो

सुनको भाउ तोलामा २ हजार ८ सय रुपैयाँ घट्यो

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव