९ मंसिर २०८१, आईतवार
२०७६ बैशाख ४ गते, बुधबार १५:३४ मा प्रकाशित
सामसङ नेपालले नेपाली उपभोक्तामाझ ग्यालेक्सी ए२० स्मार्टफोन प्रस्तुत गरेको छ । कम्पनीले ग्यालेक्सी ए सिरिज अन्तर्गतको तेस्रो स्मार्टफोन नेपाली बजारमा सार्वजनिक गरेको हो ।
अर्थपूर्ण आविष्कारका साथ बजारमा प्रस्तुत गरिएको यो फोनले उत्कृष्ट कार्य प्रदर्शन गर्ने विश्वास कम्पनीको छ । फोनमा उत्कृष्ट ड्युअल क्यामेराका साथ अल्ट्रा–वाइड लेन्स, नेक्स्ट–जेन इन्फिनिटी–भी डिस्प्ले छ भने चाँडो चार्ज हुने शक्तिशाली ४ हजार एमएएचको ब्याट्री उपलब्ध छ ।
उत्कृष्ट अनुभव प्रदान गर्ने यस स्मार्टफोनमा आजका उपभोक्तालाई आवश्यक पर्ने सम्पूर्ण कुरा रहेको छ । यसमा शानदार भ्युइङ अनुभवका लागि ६.४ इन्चको एचडी इन्फिनिटी–भी डिस्प्ले राखिएको छ ।
फोनमा सुपर एमोलेड प्रविधि, इमर्सिव भिडियो भ्युइङको लागि बेस्ट कलर रिप्रोडक्सन रहेको छ । फोनमा भएको १३ मेगापिक्सेलको प्राइमरी लेन्सले कम उज्यालोको अवस्थामा पनि उत्कृष्ट फोटो खिच्न सकिने सुविधा प्रदान गर्दछ ।
ए२० मा एक्जीनस ७८८४, अक्टाकोर प्रोसेसर रहेको छ भने यसमा ३ जिबि र्याम तथा ३२ जिबि इन्टर्नल मेमोरी रहेको छ ।
ग्यालेक्सी ए२० को नेपाली बजार मूल्य २० हजार ४ सय ९० रुपैयाँ रहेको छ । यो सुनौलो, नीलो र कालो गरी ३ आकर्षक रंगमा उपलब्ध छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
