९ मंसिर २०८१, आईतवार
२०७६ बैशाख ३१ गते, मंगलवार ०९:२१ मा प्रकाशित
नेपाल र कम्बोडियाबीच द्विपक्षीय समझदारीपत्रमा हस्ताक्षर भएको छ ।
प्रधानमन्त्री केपी शर्मा ओलीको कम्बोडियाको औपचारिक भ्रमणमा दुई देशका प्रधानमन्त्रीको उपस्थितिमा सोमबार द्विपक्षीय सहमतिपत्रमा हस्ताक्षर भएको हो ।
उद्योग, वाणिज्य तथा आपूर्ति सचिव केदारबहादुर अधिकारी र कम्बोडियाका उद्योगमन्त्री सुय सेमले व्यापार तथा लगानी ढाँचासम्बन्धी सहमतिमा हस्ताक्षर गरेका छन् ।
सहमतिपछि नेपाल र कम्बोडियाको द्विपक्षीय सम्बन्ध सुदृढ हुने, पर्यटन प्रवर्द्धन र व्यापार विस्तारलाई नयाँ उचाइमा पुग्ने जनाइएको छ ।
त्यसैगरी नेपाल चेम्बर अफ कमर्श र कम्बोडिया चेम्बर अफ कमर्शबीच पनि समझदारीपत्रमा हस्ताक्षर भएको छ ।
दुवै देशका प्रधानमन्त्रीको उपस्थितिमा पिस प्यालेसमा भएको समझदारीपत्रमा नेपाल चेम्बरका अध्यक्ष राजेशकाजी श्रेष्ठ र कम्बोडिया चेम्बरका उपाध्यक्ष लिम गङले हस्ताक्षर गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
