एयर इण्डियाको विमान किन काठमाडौंबाट ओभरसूट गरेर बाराको आकाशसम्म पुग्यो ?

होमल्याण्ड खबर

२०७६ जेष्ठ २० गते, सोमबार १०:१२ मा प्रकाशित

भारतीय विमान कम्पनी एयर इण्डियाको आइतबार भारतको नयाँ दिल्लीबाट काठमाडौंमा आएको विमान ओभरसुट गरेर बाराको निजगढमाथिको आकाशमा पुगेको पाइएको छ । भारतीय सञ्चारमाध्यमले आज समाचार एजेन्सी एएनआइलाई उद्धृत गर्र्दै जनाएअनुसार एयरबस ए ३२०—२१४ काठमाडौंमा आइसकेपछि फेरि निजगढ पुगेर फर्किएको थियो ।

सो उडान बिहान ८ः५५ बजे त्रिभुवन अन्तर्राष्ट्रिय विमानस्थलमा अवतरण गर्ने समय भएकोमा अवतरण गर्ने क्रममा धावनमार्ग पार गरेर फेरि निजगढसम्म पुगेको थियो । त्यसपछि  ९ः४५ बजे सो विमान फर्किएर अवतरण गरेको त्रिभुवन अन्तर्राष्ट्रिय विमानस्थलका महाप्रबन्धक राजकुमार क्षेत्रीलाई उद्धृत गर्दै सो समाचारमा जनाइएको छ ।

‘‘अपरेसनका विविध कारणले गर्दा यस्तो हुने गर्दछ । सुरक्षा चासो सम्बोधन गर्ने क्रममा विमान चालकले यस्तो निर्णय गर्न सक्छन् । यो एउटा त्यस्तै घटना हो,’’ एयर इण्डियाका प्रवक्ता धनन्जय कुमारले बताएका छन् ।

सम्बन्धित खबर

राप्रपाको कार्यसम्पादन समिति बैठक सुरु

चुनावी हारको कारण खोज्न कांग्रेसको देशव्यापी समीक्षा

रवि लामिछानेको मुद्दा फिर्ताविरुद्धको रिट न्यायाधीश सुवेदी र पोखरेलको इजलासमा

ओली निवास पुगेर माधव नेपालले दिए समवेदना

सुनचाँदीको मूल्य घट्यो

गोरखा माइक्रोबस दुर्घटना : सात जना भारतीयको मृत्यु