१ चैत्र २०८२, आईतवार
२०७६ जेष्ठ २४ गते, शुक्रबार ०८:१३ मा प्रकाशित
कैलालीमा बिहीबार साँझ आएको हावाहुरीका कारण अहिलेसम्म दुई जनाको मृत्यु भएको छ। जिल्ला प्रहरी कार्यालय कैलालीकाअनुसार गोदावरी नगरपालिकामा एक जना र टीकापुर नगरपालिकामा एक जना गरी दुईजनाको मृत्यु भएको हो ।
हावाहुरीका कारण अहिलेसम्म ९९ जना घाइते भएका छन् । गम्भीर रहेका चारजनालाई उपचारका लागि भारत पठाइएको प्रहरी कार्यालयले जनाएको छ ।
मृत्यु हुनेमा गोदावरी नगरपालिका ४ का वीरबहादुर चौधरी र टीकापुर नगरपालिका २ का लहानु डंगौरा रहेका छन् ।
चौधरीको हावाहुरीका बेला मोटरसाइकल चलाउने क्रममा टिपरमा ठोक्किँदा मृत्यु भएको हो भने डंगौराको कुखुरा फार्ममा रहेको पर्खाल भत्किँदा मृत्यु भएको प्रहरीले जनाएको छ।
क्षतिको थप विवरण संकलन भइरहेको एसपी गिरीले बताए । अहिले हावाहुरी रोकिएको छ । विद्युत भने अवरुद्ध छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
