९ मंसिर २०८१, आईतवार
२०७६ असार १६ गते, सोमबार १०:२६ मा प्रकाशित
एजेन्सीः इंग्ल्याण्डमा जारी आईसीसी विश्वकप क्रिकेटको ३८ औँ खेलमा आज श्रीलंका र वेस्ट इन्डिज भिड्दै छन् ।
आइतबार भारतमाथि इंग्ल्यान्डले जित हात पारेसँगै श्रीलंका प्रतियोगिताबाट बाहिरियो। यस्तो अवस्थामा श्रीलंकाले प्रतियोगिताबाट बाहिरिएको अर्को टिम वेस्ट इन्डिजसँग आज (सोमबार) खेल्दैछ।
रिभरसाइड मैदानमा भएको प्रतियोगिताबाट बाहिरिएपछि दुवै टिमलाई दबाब कम छ। तर ब्याटिङमा एकरुपता ल्याउन नसकेको श्रीलंकालाई ब्याटिङमा सुधार गर्ने चुनौती छ।
जारी विश्वकपमा अपेक्षाकृत खेल्न नसकेको वेस्ट इन्डिजले पछिल्ला ७ खेलमा १ खेलमा मात्र जित हात पारेको छ। प्रभावशाली खेलाडी भए पनि वेस्ट इन्डिज अन्तिम अवस्थामा चुकिरहेको छ।
पहिलो खेलमा पाकिस्तानविरुद्ध ७ विकेट जित निकालेर वेस्ट इन्डिजले उत्कृष्ट सुरुवात गरेको थियो। त्यसपछि भने लगातार खराब खेल्दा वेस्ट इन्डिज अंक तालिकामा पुछारबाट दोस्रो स्थानमा पुगेको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
