२४ विद्यार्थीलाई एनसेलको छात्रवृत्ति र सम्मान

होमल्याण्ड खबर

२०७६ असार १८ गते, बुधबार १२:३७ मा प्रकाशित

एनसेलले इन्जिनियरिङ अध्ययन संस्थान, पुल्चोकका विद्यार्थीलाई ‘एनसेल छात्रवृत्ति तथा उत्कृष्टता सम्मान’ प्रदान गरेको छ । एनसेल प्राइभेट लिमिटेडले थप पाँच वर्षका लागि निरन्तरता दिइएको यो सम्मान कार्यक्रमअन्तर्गत मंगलबार २४ जना विद्यार्थीलाई आर्थिक सम्मान गरेको हो । एनसेलले इन्जिनियरिङ संकायमा अध्यनरत उत्कृष्ट १८ विद्यार्थीलाई छात्रवृत्ति र ६ जनालाई उत्कृष्टता सम्मान पुरस्कार प्रदान गरेको हो । सबै विद्यार्थीले १–१ लाख रुपैयाँ पुरस्कार राशी प्राप्त गरे ।

एनसेल छात्रवृत्ति विभिन्न इलेक्ट्रिकल, इलेक्ट्रोनिक्स, कम्प्युटर, सिभिल र मेकानिकल इन्जिनियरिङ संकायमा स्नातक तहको प्रथम, द्वितीय र तृतीय वर्षको वार्षिक परीक्षामा प्राप्त गरेको उत्कृष्ट नतिजाको आधारमा क्रमशः द्घितीय, तृतीय र चौथो वर्षमा अध्ययनरत विद्यार्थीलाई प्रदान गरिएको हो । यसैगरी पाँचवटै संकायका छात्रामध्येबाट उत्कृष्ट नतिजा ल्याएकामध्यबाट एक जना छात्राले यो छात्रवृति पाएकी छन् ।

एनसेलले उत्कृष्टता सम्मानअन्तर्गत यी ५ संकायमा सर्वोत्कृष्ट नतिजा सहित स्नातक तहको पढाइ सकाएका प्रत्येक संकायका १–१ जना र यी पाँचै संकायका छात्राहरु मध्यबाट सर्वोत्कृष्ट ठहरिएकी एक छात्राले उत्कृष्टता सम्मान दिइएको छ ।

यो वर्ष, एनसेल छात्रवृत्ति एनसेलका प्रमुख प्रविधि अधिकृत मुहम्मद अदील इस्रार, वित्तिय प्रमुख कनिश्क गयान विक्रमा, चिफ स्ट्राटिजी अफिसर इरविन एम. युसुफ र सुरक्षा तथा प्रशासन प्रमुख महेन्द्र कुमार भट्टचनले प्रदान गरे । एनसेल उत्कृटता सम्मान इन्जिनियरिङ अध्ययन संस्थानका डिन प्राध्यापक रामचन्द्र सापकोटा र एनसेलका प्रमुख कार्यकारी अधिकृत एण्डी चोङले संयुक्त रुपमा विद्यार्थीहरुलाई प्रदान गरे ।

यसअघि एनसेलले क्याम्पससँग इन्जिनियरिङ तर्फका थप दुई संकायका विद्यार्थीलाई पनि समावेश गराउने गरी ५ वर्षका लगि सम्झौता नवीकरण गरेको थियो ।

एनसेलको व्यवसायिक सामाजिक उत्तरदायित्व कार्यक्रम अन्तर्गत रहेको यस कार्यक्रमले प्राविधिक शिक्षालाई प्रोत्साहन तथा सहयोग पुर्याउँदै दक्ष युवा जनशक्तिको विकासका लागि योगदान पुर्याउने लक्ष्य लिएको छ । यस सहमति अनुरुप एनसेलले पुल्चोक क्याम्पसमा २०७६ साल देखि २०८० सालसम्म  इलेक्ट्रिकल, इलेक्ट्रोनिक्स, कम्प्युटर, सिभिल र मेकानिकल इन्जिनियरिङ संकायमा अध्ययन गर्ने उत्कृष्ट विद्यार्थीलाई १ करोड ३० लाख रुपैयाँको छात्रवृत्ति तथा उत्कृष्टता पुरस्कार प्रदान गर्नेछ ।
एनसेलले २०७१ मा ५ वर्षका लागि यस छात्रवृत्ति तथा उत्कृष्टता पुरस्कार स्थापना गरेको थियो ।

सम्बन्धित खबर

बिहीबार ५.७४ अंकले बढ्याे नेप्से परिसूचक

आज सुनको मुल्य प्रतितोला ३०० सय रुपैयाँले बढ्यो

मंगलबार १७ अंकले घट्यो नेप्से

ओमानसँग सरकारले श्रम समझदारी गर्ने, के छन् प्रावधान ?

अशोक लेलैण्ड र सिर्जना फाइनान्स लिमिटेडबीच सम्झौता

प्रभु बैंकको अनलाइन खाता सेवा सञ्चालन