९ मंसिर २०८१, आईतवार
२०७६ असार २३ गते, सोमबार १३:०४ मा प्रकाशित
कलंकी महाराजगञ्ज सडक आठ लेन बनाउने बिषयमा छलफल गर्न चिनियाँ टोलि नेपाल आउने भएका छन् । चक्रपथ दोस्रो खण्ड कलंकी–महाराजगंज सडक विस्तारको काम सुरु गर्ने बिषयमा टोलि आएपछि छलफल हुने छ ।
अबको एक साताभित्रै नेपाली र चिनियाँ अधिकारीबीच काम सुरु गर्ने बिष्यमा सहमति हुने सडक विभागले जनाएको छ । विभागका विकास सहायता कार्यान्वयन महाशाखा प्रमुख अर्जुनजंग थापाले जानकारी दिए ।
अर्थ मन्त्रालयको समन्वयमा द्धिपक्षीय छलफल र सहमति हुनेछ । आइतबार प्रधानमन्त्री कार्यालयमा कलंकी–महाराजगंज सडक बारे सबै निकाय राखेर छलफल समेत भएको छ ।
नेपाल विधुत प्राधिकरणका कार्यकारी निर्देशक कुलमान घिसिङ,वन विभागका महानिर्देशक,खानेपानी तथा ढल निकास विभाग लगायतका सम्वन्धी सबै निकाय राखेर साईट क्लियरको विषयमा छलफल गरिएको हो । महाशाखाका अनुसार केहि ठाउँमा भने काम सुरु नगरि विद्युतका पोलहरु हटाउन नमिल्ने अवस्था छ ।
नेपाल विधुत प्राधिकरण प्रवन्ध निर्देशक कुलमान घिसिङले बसुन्धरा–महारागंज होचो स्थानमा रहेको ठाउँमा पोल राख्न नसकिने बताए । यो सडकको पोल हटाउनका लागि अर्थमन्त्रालयले बजेट समेत दिइसकेको छ ।
यो खण्डका लागि पौने ११ करोड रुपैयाँ दिएको हो । प्राधिकरणले पोल हटाउनका लागि ठेक्का मूल्याङकन अन्तिम चरणमा पुर्याएको छ।महाशाखाका अनुसार साइट क्लियर भए तीन बर्ष भित्र यो सडक तयार हुनेछ।स्रोतका अनुसार प्रधानमन्त्री कार्यालयले सडक निर्माणलाई तीब्रता दिन आफैले समन्वय समेत गर्दैछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
