२ चैत्र २०८२, सोमबार
२०७६ श्रावण २६ गते, आईतवार १२:५१ मा प्रकाशित
भक्तपुरको मध्यपुर ठिमी नगरपालिका–३ गठ्ठाघरमा आज बिहान भएको सवारी दुर्घटनामा १६ जना घाइते भएका छन् ।
आज बिहान सवा ६ बजे काठमाडौंबाट सिन्धुलीतर्फ जाँदै गरेको बा ४ ख ५७९४ नं. को बस आफैं अनियन्त्रित भई सोही दिशा तर्फ जाँदै गरेका बा ३ ख ७०९३, बा ५ ख ४०२९ र ना ६ ख ७१८५ नंं. को ३ वटा बसलाई ठक्कर दिँदा बा ४ ख ५७९४ नं. को बसमा यात्रारत १६ जना यात्रु घाइते भएका हुन् ।
घाइतेहरु मध्ये १३ जनालाई उपचारका लागि नागरिक अस्पताल र ३ जनालाई मध्यपुर अस्पतालमा लगी उपचार भईरहेको महानगरीय प्रहरी परिसर भक्तपुरका सूचना अधिकृत प्रहरी नायव उपरीक्षक रेवतीरमण पोखरेलले जानकारी दिए ।
घाइतेहरुको अवस्था खतरामुक्त रहेको छ ।
घटनामा संलग्न ४ वटै बस महानगरीय ट्राफिक प्रहरी प्रभाग गठ्ठाघरले नियन्त्रणमा लिएको छ भने ठक्कर दिने बस चालक सिन्धुली गोलानचोर गाउँपालिका– ६ घर भई हाल काठमाडौं ताहचल बस्ने ३० वर्षीय दिपकराज ठकुरीलाई महानगरीय प्रहरी वृत्त ठिमीले नियन्त्रणमा लिएको छ ।
घटनाको थप अनुसन्धान कार्य भइरहेको प्रहरी नायव उपरीक्षक पोखरेलले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
