शाउमीको १०८ मेगापिक्सेलको क्यामराजडित मोबाइल फोन सार्वजनिक

होमल्याण्ड खबर

२०७६ कार्तिक २० गते, बुधबार १४:२४ मा प्रकाशित

चिनियाँ प्रविधि कम्पनी शाउमीले १०८ मेगापिक्सेलको क्यामेराजडित मोबाइल फोन सार्वजनिक गरेको छ। उक्त हाइरिजोल्युसन सेन्सर दक्षिण कोरियाली कम्पनी सामसङले विकास गरेको भएपनि उसकै आफ्नो उत्पादनमा भने यो फिचरु राखिसकेको छैन। चिनियाँ कम्पनीका अनुसार उक्त फिचरले अत्यधिक मात्रामा स्पष्ट तस्बिर कैद गर्ने क्षमता राख्छ। तर एउटा परीक्षणले भने उक्त फोनबाट खिचिएको तस्बिरमा कम रिजोल्युसन भएका फोन भन्दा बढी डिजिटल विकृतिहरू समावेश हुने देखाएको छ।

एमआइसीसी ९ प्रो प्रिमियम नाम गरेको उक्त फोन हालका लागि चिनियाँ बजारमा मात्र उपलब्ध हुनेछ। भारतीय स्मार्टफोन बजारमा किन बढ्दैछ शाउमीको वर्चस्व चीनमा उपभोक्ताले पनि प्रयोग गर्न थाले मोबाइलमा फाइभ जी ह्वावेईका मोबाइल फोन विक्री ४० प्रतिशतले घट्यो तर शाउमीले उक्त प्रविधि बुधवार सार्वजनिक गरिने एमआइ नोट १० मा समावेश गर्ने बताएको छ। अनुसन्धान गर्ने कम्पनी क्यानलिजका अनुसार शाउमी हाल बिक्रीका हिसाबले विश्वकै चौथो ठूलो स्मार्टफोन उत्पादक हो। युरोपमा उक्त फोनको बिक्री तीव्र रूपमा फैलँदै छ र सन् २०२० मा जापानमा समेत बजार विस्तार गर्ने कम्पनीले घोषणा गरिसकेको छ। हालसम्म सय मेगापिक्सल भन्दा बढीको सेन्सर मध्यम स्तरका डिजिटल क्यामेरामा प्रयोग गरिन्थ्यो जसको मूल्य हजारौँ पाउन्ड पर्नसक्छ। गुणस्तर राम्रो हुने भए पनि उक्त १०८ मेगा पिक्सेल सेन्सर खिचिएको तस्बिरले फोनको स्टोरेजमा प्रभाव पार्ने छ। त्यस्तै ती तस्बिर सम्पादन गर्न बढी शक्ति लाग्ने छ। तर उक्त फोनमा कम रिजोल्युसनमा तस्बिर खिच्न सकिने विकल्प पनि राखिएको छ। बीबीसी

सम्बन्धित खबर

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा

तोलामा १ हजार बढ्यो सुन, कतिमा हुदैँछ कारोबार ?

काठमाडौं महानगरले उठायो ३ अर्ब १६ करोड बढी राजस्व

विदेशी मुद्रा सञ्चिति २२ खर्ब ३२ अर्ब पुग्यो