४ चैत्र २०८२, बुधबार
२०७६ मंसिर २३ गते, सोमबार १२:१५ मा प्रकाशित
नेपालमा जारी १३ औं दक्षिण एसियाली खेलकुद (साग)को समापन समारोहमा रहेकाले भोलि मंगलबार काठमाडौं उपत्यका भित्र जोर नम्बरका मात्र सवारी साधन चलाउन ट्राफिक प्रहरीले अनुरोध गरेको छ ।
मंसिर १५ गते आइतबारबाट सुरु भएको १३ औं सागको भोलि अर्थात् मंसिर २४ गते समापन हुने दिन ट्राफिक व्यवस्थापनलाई चुस्त, दुरुस्त, व्यवस्थित र सुरक्षित बनाउन जोर नम्बरका मात्र गाडी चलाउन उपत्यकावासीहरुलाई महानगरीय ट्राफिक प्रहरी महाशाखाको विशेष अनुरोध गरेको हो ।
यस्तो छ ‘ महानगरिय ट्राफिक प्रहरी महाशाखाको अनुरोध ‘
मिति २०७६ मंसिर २४ गते हुने १३औं दक्षिण एशियाली खेलकूद (साग) को समापनका दिन ट्राफिक व्यवस्थापनलाई चुस्त, दुरूस्त, व्यवस्थित र सुरक्षित बनाउन लागि आम उपत्यकावासीहरूमा महानगरीय ट्राफिक प्रहरी महाशाखाको विशेष अनुरोध ।
१. मंसिर २४ गते समापन दिन सरकारी, अत्यावश्यक सेवा, खेलकुद सम्बद्ध, सञ्चारकर्मी तथा पर्यटक आवद्ध सवारी साधन बाहेक रिङ्गरोड भित्र सम्पूर्ण सवारी साधनहरू जोर नम्वरमा मात्र चलाउन हुन ।
२. ठुला मालवाहक सवारी साधनहरू रिङरोड भित्र प्रवेश नगरीदिनु हुन ।
३. दशरथ रङ्गशाला वरिपरिका सवारी मार्गको सकभर प्रयोग नगरी अन्य वैकल्पिक तथा भित्री सडकको प्रयोग गरिदिन हुन ।
४. २४ गते समापनका दिन कम भन्दा कम सवारी साधनहरू निकाल्नु हुन ।
५. सवारी मार्गमा पुराना र अवस्था ठिक नभएका सवारी साधनहरू नचलाउनु हुन ।
६. खेल हेर्न आउने सम्पूर्ण सर्वसाधारणहरूको पार्किङ्ग स्थल काठमाडौं मल अगाडीको टुँडिखेलमा तोकिएकोले सोही अनुसार गरिदिनुहुन ।
७. हर्नलाई पूर्ण रूपले निषेध गर्नुहुन ।
८. ट्राफिक नियमको पुर्ण रुपमा पालना गर्नु हुनका साथै सडकमा जथाभावी बाटो नकाट्नुहुन ।
९. ट्राफिक सम्वन्धि समस्या तथा अन्य जानकारीका लागि ट्राफिक प्रहरीको हट लाईन नम्वर १०३ मा फोन गर्नु हुनका साथै नियमित रूपमा मेट्रो ट्राफिक एफ.एम.९५.५ मेघाहर्ज सुन्नहुन ।
तपाईको सुरक्षित यात्रा, ट्राफिक प्रहरीको सुवेक्षा !
१३ औं साफ गेमको सफलता, हाम्रो देशको प्रतिष्ठा !!
भिम प्रसाद ढकाल
प्रहरी वरिष्ठ उपरिक्षक
(कार्यालय प्रमुख)
महानगरीय ट्राफिक प्रहरी महाशाखा, रामशाहपथ
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
