५ चैत्र २०८२, बिहीबार
२०७६ पुष ३ गते, बिहीबार ११:०३ मा प्रकाशित
अपहरणमा परेका नरेश थापा मगरलाई ८ घण्टाभित्र सकुशल उद्धार गरी अपहरणकारी समात्न प्रहरी सफल भएको छ ।
जिल्ला प्रहरी कार्यालय मकवानपुरका प्रमुख मुकेशकुमार सिंहका अनुसार मकवानपुर प्रहरीले विशेष सुराकीका आधारमा पाँच जना अपहरणकारीलाई प्रक्राउ गर्न सफल भएको हो ।
प्रहरीका अनुसार बुधबार बिहान अम्लेखगन्जबाट काठमाडाैं जाँदै गरेको बा२ज ५९५ नम्बरको ट्याक्सीमा सवार रामेछाप दोरम्बा-५ का २१ वर्षीय थापा मगर अपहरणमा परेका थिए ।
उनलाई हेटौंडा-४ स्थित फरेस्ट्री गेट अगाडिबाट बा२ज ५३५६ नम्बरको ट्याक्सीमा आएका ३ जनाको समूहले कुटपिट गरी घरेलु हतियार देखाएर अपहरण गरेका थिए ।
अपहरित मगरलाई हेटौंडा-९ लामसुरेस्थित सरस्वती लामाको घरमा बन्धक बनाइराखेको अवस्थामा सकुशल उद्धार गरिएकाे प्रमुख सिंहले बताए। प्रहरीले साँझ पत्रकार सम्मेलन गरी अपहरणमा परेका र अपहरणकारीलाई सार्वजानिक गर्दै घटनाबारे जानकारी दिएको हाे ।
प्रमुख सिंहले अपहरणमा संलग्न भएको आरोपमा ४ जनालाई नियन्त्रणमा लिएको बताए।
जसमा कैलाली धनगढी घर भई काठमाडाैं पुरानो बानेश्वर बस्ने आशिष सिजापती, कन्चनपुर श्रीपुर ६ बस्ने सुनिता धामी, धादिङ नेत्रवती ढुस्जु गाँउपालिका ६ बस्ने कृष्ण गुरुङ, सोही गाउँपालिका ४ घर भएका बा २ ज ५३५६ नम्बरका ट्याक्सी चालक आशिक लामा रहेका छन् ।
मगरलाई बन्धक बनाइराख्ने घरधनी हेटौंडा-९ लामसुरे बस्ने सरस्वती तामाङलाई पनि नियन्त्रणमा लिइएको प्रहरीले जनाएको छ ।
अपहरणपश्चात उनीहरुले १० करोड रुपैयाँ फिरौती मागेको र दिन नसक्ने भनेपछि कुटपिट गरेको पीडित थापा मगरले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
