८ मंसिर २०८१, शनिबार
२०७५ बैशाख १० गते, सोमबार ०५:५१ मा प्रकाशित
आज पञ्चेश्वर बहुउद्देश्यीय आयोजनालाई अगाडि बढाउने बिषयलाई लिएर नेपाल र भारतका अधिकारीवीच छलफल हुँदैछ ।
काठमाडौंमा शुरु हुने नेपाल र भारतका जलस्रोत अधिकारीको संयुक्त बैठकमा पञ्चेश्वर विकास प्राधिकरणको नीति, कार्यक्रम तथा आर्थिक विषयमा एकरुपता दिनेवारे छलफल हुनेछ । यो परियोजना २३ बर्षदेखि चर्चामा भएता पनि यसको काम भने अगाडि बढ्न सकेको छैन । आयोजनाको विस्तृत परियोजना प्रतिवेदनमा एकरुपता बनेको छैन । आयोजनाबाट उपलब्ध हुने पानीको विषयमा दुई देशबीच विवाद भएको छ ।
भारतीय पक्षले तल्लो शारदा बाँधमा उपलब्ध हुने पानीको मात्रामा तलमाथि हुन नहुने मत राखेको छ भने नेपालले बराबरीको धारमा पानी उपलब्ध हुनुपर्ने अडान राख्दै आएको छ । बैठकमा यी विवादित विषयमा सहमति जुटाउने प्रयास हुनेछ ।
पञ्चेश्वर विकास प्राधिकरणको नीति,कार्यक्रम तथा आर्थिक विषयलाई एकरुपता दिइ आयोजना अगाडि बढाउने लक्ष्यका साथ संयुक्त बैठकको आयोजना हुन लागेको प्राधिकरणले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
