९ मंसिर २०८१, आईतवार
२०७५ बैशाख ११ गते, मंगलवार ०७:३० मा प्रकाशित
झापाको अर्जुनधारा नगरपालिकामा थोपा सिँचाइ प्रविधि भित्र्याइएको छ ।
कृषिमा आधुनिकीकरण गर्दै उत्पादन वृद्धि गर्ने उद्देश्यले सौर्य ऊर्जाबाट सञ्चालन हुने थोपा सिँचाइ प्रविधि भित्र्याइएको नगरपालिकाको कृषि विकास शाखाले जनाएको छ ।
शाखाका अनुसार नगर क्षेत्रका ३० जना किसानलाई अनुदानमा थोपा सिँचाइ प्रविधि उपलब्ध गराउने तयारी भइरहेको छ । “विशेष गरी तरकारी उत्पादन गरिरहेका किसानलाई लक्षित गरेर यो प्रविधि भित्र्याउन लागिएको हो”, “यसको परीक्षण प्रदर्शनी पनि गरिसकेका जानकारी दिएको छ ।”
किसानलाई वैकल्पिक ऊर्जा प्रवद्र्धन केन्द्रको ६० प्रतिशत अनुदान र किसानको ४० प्रतिशत लागत सहभागितामा यो प्रविधि उपलब्ध गराइने कृषि विकास शाखाले जानकारी दिएको छ ।
यो प्रविधि सौर्य ऊर्जामार्फत पानी तानेर ट्याङ्कीमा जम्मा गर्ने र प्लाष्टिक पाइपको माध्यमले प्रत्येक बिरुवामा थोपा सिँचाइ गरिन्छ । हाल यो क्षेत्रका किसानले बोरिङबाट सिँचाइ गर्दै आएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
