६ चैत्र २०८२, शुक्रबार
२०७६ माघ १४ गते, मंगलवार १०:२२ मा प्रकाशित
कोरोनाभाइरसको महामारीबाट चीनमा मृत्यु हुनेको संख्या १ सय ६ पुगेको छ ।
चिनियाँ अधिकारीहरुले नयाँ कोरोनाभाइरसका कारण १ सय ६ जनाको मृत्यु भएको र ४,००० जनाभन्दा बढी संक्रमित भएको बताएका छन् । कोरोना भाइरसका कारण हुवेईमा सबैभन्दा धेरैको मृत्यु भएको छ ।
चिनियाँ सरकारले हुबेईका सहरहरुलाई नै ‘सील’ गरेर भाइरसको उपचार गर्ने प्रयास गरिरहेको छ । यसले गर्दा ५ करोड जनता बाहिरी विश्वको सम्पर्कबाट टाढा रहेका छन् ।
यसैबीच भाइरसलाई फैलिनबाट रोक्न चीनमा यातायात आवागमनमा थप कडाइ गरिएको छ ।
भाइरस सुरु भएको वुहान शहर र त्यो शहर रहेको हुबे प्रान्तको अधिकांश स्थान बन्द जस्तै रहेको छ ।
चीनका केही मुख्य शहरहरुले सार्वजनिक यातायात बन्द गरेका छन् र नयाँ वर्षको बिदा तीन दिन थपिएको छ ।
अहिले सम्म चीनबाहेक नेपालसहित १६ देशमा यसको संक्रमण फैलिएको छ । चीनभन्दा बहिर भने हालसम्म कोरोनाभाइरसको संक्रमणका कारण कसैको मृत्यु भएको छैन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
