८ मंसिर २०८१, शनिबार
२०७६ माघ २४ गते, शुक्रबार ११:४९ मा प्रकाशित
बालुवाटारस्थि ललितानिवासको सरकारी जग्गा खरिदका लागि गैर आवासीय नेपाली संघ (एनआरएनए)का तत्कालिन अध्यक्ष शेष घलेको अध्यक्षतामा भएको निर्णय बाहिरिएको छ ।
एनआरएनए भवन निर्माणका लागि ५ बर्ष अघि प्रति आना २६ लाख ५० हजार रुपैंयामा खरिद गर्ने निर्णयको प्रतिलिपी सार्वजनिक भएको छ । एनआरएनएको तत्कालिन पदाधिकारी बैठकले जग्गा खरिद गर्ने निर्णय गरेको थियो ।
यो निर्णयमा अहिलेका अध्यक्ष कुमार पन्तको पनि हस्ताक्षर रहेको छ । घले, पन्तसहित पूर्वाध्यक्ष भवन भट्ट, पूर्व उपाध्यक्ष टिबी कार्की, पूर्वसचिव रञ्जु कार्की वाग्ले, बद्री केसी, मन केसीको समेतको निर्णयले जग्गा खरिद गरिने भनिएको छ ।
अख्तियारले उक्त जग्गाको खरिदमा अनियमितता भएको भन्दै नेपाली कांग्रेसका उपसभापति विजयकुमार गच्छादारसहित १७५ जनाविरुद्ध विशेष अदालतमा आरोपपत्र दायर गरिसकेको छ । अख्तियारले आरोपपत्र दायर गर्दै सरकारका नाममा जग्गा फिर्ता ल्याउने प्रक्रिया बढाउँदा एनआरएनएले भवन निर्माणका लागि लगानी गरेको करोडौं रकम पनि जफत हुने भएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
