६ चैत्र २०८२, शुक्रबार
२०७६ फाल्गुन ११ गते, आईतवार ११:३४ मा प्रकाशित
प्रधानमन्त्री केपी शर्मा ओलीले आज बिहान ६९ औं जन्मदिन बालुवाटारमा मनाएका छन् ।
सत्तारुढ नेपाल कम्युनिष्ट पार्टी नेकपाका अध्यक्षसमेत रहेका प्रधानमन्त्री ओली जन्मथलो आठराई जानुअघि बालुवाटारस्थित सरकारी निवासमा केक काटेर जन्मदिन मनाएका हुन् ।
छोराको जन्मदिन मनाउन प्रधानमन्त्री ओलीका बुवा मोहनप्रसाद ओली पनि बालुवाटार आएका छन् । उनी प्रायः झापा नै बस्ने गर्छन् ।
प्रधानमन्त्रीलाई जन्मदिनको शुभकामना दिन उपप्रधान तथा रक्षामन्त्री ईश्वर पोखरेलसँगै, नेकपा संसदीय दलका उपनेता, सुवास नेम्वाङ, प्रमुख निर्वाचन आयुक्त दिनेश थपलिया, पूर्वगृहसचिव प्रेम राई, कांग्रेस नेतृ सीता गुरुङलगायत पुगेका थिए ।
उनीहरु केक, मिठाई, फूलका माला र खादा बोकेर बालुवाटारस्थित प्रधानमन्त्री निवास पुगेका थिए । त्यसपछि प्रधानमन्त्री ओलीका परिवारका केही सदस्यहरु र सचिवालयका सदस्यहरु बसेर बधाइ साटासाट गरेका थिए ।
प्रधानमन्त्री ओलीले बुवा मोहनप्रसाद र पत्नी राधिकालाई दायाँ बायाँ राखेर केकसमेत काटे र वितरण गरे ।
बालुवाटारको कार्यक्रमपछि प्रधानमन्त्री ओली जन्मथलो तेह्रथुमको आठराई प्रस्थान गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
