६ चैत्र २०८२, शुक्रबार
२०७६ फाल्गुन १६ गते, शुक्रबार १२:२१ मा प्रकाशित
परराष्ट्रमन्त्री प्रदीपकुमार ज्ञवाली स्वीटजरल्याण्डको औपचारिक भ्रमण पूरा गरी आज स्वदेश फर्किएका छन् ।
संयुक्त राष्ट्रसंघीय मानव अधिकार परिषदको उच्चस्तरीय बैठकमा भाग लिन स्वीटजरल्याण्ड गएका परराष्ट्रमन्त्री ज्ञवाली आज बिहान साढे १० बजे काठमाडौं आइपुगेका उनको सचिवालयले जनाएको छ ।
उनले मानवअधिकार प्रवर्द्धन र संरक्षणप्रति नेपालले हासिल गरेका उपलब्धिबारे बैठकमा जानकारी गराएका थिए ।
उनले राष्ट्रसंघीय मानवअधिकार उच्चायुक्त मिचेल बेचलेटसँग पनि भेटवार्ता गरे । भेटमा परराष्ट्रमन्त्री ज्ञवालीले नेपालले जलवायु परिवर्तन, हिमाल र मानवताको भविष्यका विषयमा काठमाडौंमा सगरमाथा संवाद आयोजना गर्न लागेको जानकारी गराएका थिए ।
जेनेभामा फागुन १२ गतेदेखि भएको बैठकमा भाग लिन मन्त्री ज्ञवाली फागुन १० गते त्यसतर्फ प्रस्थान गरेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
