८ मंसिर २०८१, शनिबार
२०७५ बैशाख २४ गते, सोमबार ०६:०८ मा प्रकाशित
इन्डियन प्रिमियर लिग अन्तर्गत गएराति भएको खेलमा किङ्स इलावेन पञ्जावले राजस्थान रोयल्सलाई ६ विकेटले हराएको छ । जितसँगै पञ्जाव लिगको तेस्रो स्थानमा उक्लिएको छ ।
इन्दोरमा भएको खेलमा टस हारेर ब्याटिङको निम्तो पाएको राजस्थानले २० ओभरमा नौ विकेट गुमाउँदै एक सय ५२ रन बनायो ।
उसका लागि जोस बट्लरले ५१ तथा सञ्जु सामसनले २८ र श्रेयस गोपालले २४ रन बनाए । सुरुवात राम्रो गर्न नसकेको राजस्थानले ३ रनमा पहिलो विकेट गुमाएको थियो भने एक सय रन बनाउँदा ४ विकेट खेर फालेको थियो ।
त्यसपछि अरु ५२ रन जोडदा थप पाच विकेट गुमायो । बलिङतर्फ पञ्जावका मजिव उर रहमानले तीन तथा एन्र्डु तेइले दुई विकेट लिए ।
जवाफमा पञ्जावले ८ बल बाकि हुँदा ४ विकेटको क्षतीमा लक्ष्य पुरा गर्यो । ८७ रन बनाउँदा चार विकेट गुमाएको पञ्जावको जितमा लोकेश राहुलले विस्फोटक ८४ रन बनाए भने करुन नायरले ३१ तथा मार्कुस स्टोनीसले २३ रनको योगदान गरे । नौ खेल खेलेको पञ्जाले १२ अंक बनाएको छ भने पुछारमा रहेको राजस्थानको ६ अंक छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
