११ जेष्ठ २०८३, सोमबार
२०७७ जेष्ठ २३ गते, शुक्रबार १२:२९ मा प्रकाशित
प्रतिनिधि सभाका सभामुख अग्निप्रसाद सापकोटाले रुकुम पश्चिममा भएकाे घटनाकाे छानबिनका लागि संसदीय समिति गठन गर्ने वचन दिनुभएकाे छ । रूकुममा केही साताअघि ६ जना युवाको ज्यान जाने गरी भएको हत्याकाण्ड छानविनका लागि संसदीय समिति गठन गर्न सांसदहरूले माग गरेपछि सभामुखले प्रतिबद्धता जाहेर गर्नुभएकाे हाे ।
आज बसेको प्रतिनिधि सभा बैठकमा प्रमुख प्रतिपक्षी दल नेपाली कांग्रेसले संसद चल्न नदिने भन्दै उठेर विरोध जनाएकाे थियाे । कांग्रेस समेतक पुष्पा भुषालले उक्त घटना छानविन गर्न तत्कालै संसदीय समिति गठन गर्न माग गर्नुभएकाे हाे ।
त्यसपछि सभामुख सापकोटाले रुलिङ गर्दै संसदमा प्रतिनिधित्व गर्ने सबै दलसँग छलफल गरेर संसदीय छानबिन समिति गठन गर्ने बताउनुभएकाे हाे । सभामुखकाे प्रतिबद्धतापछि संसद बैठकले जारी रहेकाे छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
