११ जेष्ठ २०८३, सोमबार
२०७७ असार १६ गते, मंगलवार १७:१८ मा प्रकाशित
नेपालमा पछिल्लो २४ घण्टामा तीन सय १६ जनामा कोरोना भाइरस संक्रमण देखिएको छ । ७१ महिला र दुइ सय ४५ पुरुष गरी थप तीन सय १६ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना भाइरस संक्रमितको संख्या १३ हजार पाँच सय ६४ जना पुगेको छ । नेपालमा हालसम्म ७६ जिल्लामा काेराेना भाइरस फैलिसकेकाे छ । नेपालमा पछिल्लो २४ घण्टामा ६० जनाले कोरोना भाइरस जितेर घर फर्किएकाे मन्त्रालयका प्रवक्ता डा.जागेश्वर गाैतमले जानकारी दिनुभयाे ।
पीसीआर विधिबाट पछिल्लो २४ घण्टामा ४ हजार ७ सय ११ जनाको कोरोना परीक्षण गरिएको छ । अहिलेसम्म पीसीआर विधिबाट २ लाख २८ हजार ३ सय ४१ जनाको परीक्षण भएको छ ।
यस्तै आरडिटी विधिबाट आजसम्म २ लाख ९७ हजार ८ सय ७१ जनाको परीक्षण भएको छ । अहिले देशभरीका क्वारेन्टिनमा ५३ हजार ७० जना रहेका छन् । देशका विभिन्न अस्पतालमा १० हजार ३ सय ४१ जना आइसोलेसनमा उपचाररत छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
