हरिसिद्धिबासीको आन्दोलनः कोरोनाभन्दा हिलो खाएर मरिने भयो

होमल्याण्ड खबर

२०७७ असार २२ गते, सोमबार १४:०७ मा प्रकाशित

जिल्लाको हरिसिद्धमा सडक नबनेको भन्दै स्थानीय आन्दोलनमा उत्रिएका छन् । ‘गुमज महिला समूह’को आह्वानमा हरिसिद्धिका विभिन्न महिला समूहहरूले सोमबार गुमज चोकमा बाटो अवरुद्ध गरी नाराबाजी गरेका हुन् । लामो समयसम्म पनि सडक पिच गर्न कसैले ध्यान नदिएपछि उनीहरूले ‘कोरोनाले भन्दा धूलो खाएर मरिने भइयो’, ‘यो हाम्रो रहर होइन बाध्यता हो’, ‘चाँडो सडक पिच गर’ लगायतका प्ले कार्डसहित नारा लगाएका थिए ।

गुमज चोकबाट दुई घण्टा एम्बुलेन्स बाहेक अन्य सवारी साधानमा आवात जावतमा समेत रोक लगाइएको थियो । ग्राभेल हालेर पिच गर्नुपर्ने सडकमा माटो हालेर जनतालाई सास्ती दिएको भन्दै स्थानीयले लामो समयदेखि आन्दोलन गरिरहेका छन् । उक्त सडक पानी पर्दा हिलाम्मे र घाम लाग्दा धूलो उडेर हैरान भएको स्थानीयको भनाई । सडक पिच नहुने बेलासम्म आन्दोलन जारी राख्ने आन्दोलित महिलाहरूको चेतावनी छ ।

लामो समयसम्म विस्तारका क्रममा रहेको सडकमा कर्मनाशा खोलाबाट हरीसिद्धिसम्म ललितपुर महानगरपालिका पर्छ भने साविक ठैब र गोदावरी गाविस गोदावरी नगरपालिकामा पर्छ । महानगरपालिकाको एउटा वडा र नगरपालिकाका दुवै वडाका अध्यक्षले आवश्यक समन्वय गरिरहेको बताएपनि सडक अझै बन्ने सुरसार छैन् । टौखेलबाट गोदावरी सडकमा भने निर्माण भइरहेको छ । स्थानीयवासीले घरसँगै जग्गाको समेत मुआब्जा माग गरेपछि सडक विस्तार रोकिएको छ । सडक मापदण्डभित्र पर्ने १ सय २० घर सर्वोच्च अदालतको निर्णयका कारण भत्काउन कठिनाई परेको छ ।

सरकारले चार वर्ष पहिले उपत्यकामा १० सडक र दुई पुलको विस्तार शुरु गरेको थियो । तीमध्ये अहिलेसम्म कुनै पनि सम्पन्न भइसकेका छैनन् । पहिले घरको मात्रै मुआब्जा माग गरेकामा अहिले स्थानीयवासीले जग्गाको समेत मुआब्जा मागेर निर्माणको काम अघि बढ्न नसकेको हो । स्थानीयको भनाई मुआब्जा दिन नसके अहिले भएको सडकखण्डमा मात्रै भएपनि पिच गर्नुपर्ने बताएका छन् ।

सम्बन्धित खबर

अस्ट्रेलियाको राजदूतमा चित्रलेखा यादव नियुक्त

प्रतिनिधिसभाका सचिव सुरेश अधिकारीको राजीनामा स्वीकृत

एमालेले लिन मानेन काठमाडौं महानगरको जरिवाना पत्र

रविमाथि अनुसन्धान गर्न १५ दिन म्याद थप

प्रतिनिधिसभाका सचिव अधिकारीले ५ महिना नपुग्दै दिए राजीनामा

सिनामंगलको होटलमा युवायुवती झुण्डिएको अवस्थामा मृत भेटिए