११ जेष्ठ २०८३, सोमबार
२०७७ श्रावण ११ गते, आईतवार १२:५१ मा प्रकाशित
काठमाडौं, प्रहरी प्रधान कार्यालयका एक हवल्दारलाई कोरोना संक्रमण पुष्टि भएको छ । उनी सवारी व्यवस्थापन शाखामा अबद्ध रहेको खुलेको छ । उनी सँगै मुख्यालयकै सञ्चार निर्देशनालयमा कार्यरत तीन प्रहरीमा पनि संक्रमणको आशंका गरिएको छ । यद्यपि ती ३ जनामा भने कोरोना संक्रमण पुष्टि भएको छैन ।
उनीहरुरको पीसीआर रिपोर्ट आएपनि स्वास्थ्य मन्त्रालयले नै जानकारी दिने भन्दै प्रहरी मार्फत जानकारी आएको छैन । सवारी व्यवस्थापन शाखामा कार्यरत हवल्दारमा कोरोना पुष्टि भएसँगै उनी रहने बस्ने ब्यारेकका १७ जना प्रहरीको पीसीआर परीक्षणका लागि स्वाब नमुना लिइएको छ ।
स्वाब संकलन गरिएका सबैलाई आइसोलेसनमा राखिएको बताइएको छ । नेपालभर हालसम्म १ सय १५ प्रहरी संक्रमित रहेका छन् । जसमध्ये केही निको भएका छन् । अन्यलाई आइसोलेसनमा राखिएको बताइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
