८ मंसिर २०८१, शनिबार
२०७५ जेष्ठ २ गते, बुधबार ०७:५० मा प्रकाशित
भूकम्पपछि क्षतिग्रस्त सिन्धुपाल्चोक जिल्लाको कारगार आजदेखि सञ्चालनमा आएको छ ।
सिन्धुपाल्चोक कारागारका प्रमुख नवराज सेनले भूकम्पबाट क्षति पुगेको कारागार अस्थाई रुपमा सञ्चालन गर्न लागिएको जानकारी दिएका छन् ।
बुधबार दिउँसो जिल्ला सुरक्षा समितिको बैठक बसेर अपौचारिक रुपमा कारगारमा कैदी बन्दीहरु राख्ने तयारी भएको सेनले बताए ।
जिल्ला प्रहरी कार्यालयको पुर्पक्ष कक्षमा राखिएका २८ जना कैदीहरुलाई बुधबार कारगारमा स्थानान्तरण गरिने तयारी छ । १ सय १५ जना क्षमता रहेको कारगारमा केन्द्रीय कारगारबाट विभिन्न मुद्दामा कैद भुक्तान गरिरहेका १ सय ५० जना सम्म कैदी बन्दीहरुलाई सिन्धुपाल्चोक कारगारमा राख्ने तयारी गरिएको छ ।
भूकम्पमा कारगार भत्केपछि त्यहाँ रहेका २ सय १६ कैदी–बन्दीहरु भागेका थिए । भूकम्पलगतै विभिन्न मितिमा १ सय १८ जना कैदी बन्दीहरु प्रशासनको सम्र्पकमा आए पनि अन्य कैदीहरु अझै फरार छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
