८ मंसिर २०८१, शनिबार
२०७५ जेष्ठ ६ गते, आईतवार ०४:३० मा प्रकाशित
स्पेनिस ला लिगाको यो सिजन रियल मड्रिडले तेस्रो स्थान हात पार्दै अन्त्य गरेको छ । लिगको अन्तिम खेलमा रियल मड्रिड भिल्लारियलसँग २–२ गोलको बराबरीमा रोकिन पुग्यो ।
भिल्लारियलको मैदानमा भएको खेलमा घरेलु टिमले दुई गोलले पछि परेको अवस्थामा पुनरागमन गरेको थियो । ११ औं मिनेटमा ग्यारेथ बेल र ३२औं मिनेटमा क्रिष्टियानो रोनाल्डोले गोल गर्दै रियल मड्रिडलाई पहिलो हाफमा २–० को अग्रता दिलाए ।
दोस्रो हाफमा भिल्लारियलले दुई गोल फर्कायो । ७०औं मिनेटमा रोजर मार्टिनेज र ८५औं मिनेटमा सामु कास्टेलोले गोल गरेपछि रियल अंक बाँढ्न बाध्य भएको हो ।
रियल मड्रिडले ३८ खेलबाट ७६ अंकका साथ तेस्रो स्थान हासिल गरेको छ । भिल्लारियलले भने ६१ अंक सहित पाँचौं स्थान हात पारेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
