होमल्याण्ड खबर
२०७७ श्रावण २७ गते, मंगलवार ०९:०० मा प्रकाशित
एजेन्सी : इंग्लिस प्रिमियर लिग क्लब म्यानचेस्टर युनाइटेड युरोपको दोस्रो ठूलो फुटबल प्रतियोगिता युरोपा लिगको सेमिफाइनलमा प्रवेश गरेको छ ।
सोमबार राति भएको क्वार्टरफाइनल खेलमा डेनिस क्लब कोपेनहागेमलाई १–० गोलले हराउँदै युनाइटेडले अन्तिम चारमा प्रवेश गरेको छ । युनाइटेडलाई जिताउन ब्रुनो फर्नान्डेसले निर्णायक गोल गरे । खेलकाे निर्धारित समय गोलरहित बराबरीमा सकिएपछि थपिएको अतिरिक्त समयमा फर्नान्डेसले गोल गर्दै युनाइटेडलाई जिताए । उनले जारी खेलकाे १०५औं मिनेटमा पेनाल्टीमा गाेल गर्दै फर्नान्डेसले युनाइटेडलाई सेमिफाइनलमा पुर्याए ।
त्यस्तै अर्को खेलमा इटालियन क्लब इन्टर मिलानले जर्मन क्लब बायर लेवरकुसनमाथि २–१ को जित निकाल्दै ईन्टर अन्तिम ४ मा प्रवेश गरेको हो ।
इनटरको जितमा निकोला बरेलाको गोलसंगै ईन्टरले १५ औं मिनेटमा खेलमा अग्रता बनाएको थियो । लुकाकुले २१ औं मिनेटमा ईन्टरको अग्रता दोब्बर बनाए । त्यस्तै काइ हाभटर्जले २४ औं मिनेटमा गोल गर्दै लेवरकुसेनका लागि एक सान्त्वना गोल गरेका थिए ।
