होमल्याण्ड खबर
२०७७ श्रावण ३२ गते, आईतवार ०८:५० मा प्रकाशित
एजेन्सी ! इंग्लिस प्रिमियर लिग क्लब म्यानचेस्टर सिटीमाथि ३-१ जित हासिल गर्दै फ्रेन्च क्लब लियोनले च्याम्पियन्स लिगको सेमिफाइनलमा प्रवेश गरेको छ ।
शनिबार राती भएको खेलमा लियोनको जितमा मौसा डेम्बेलेले २ र म्याक्स्वेल कर्नेटले एक गोल गरे । सिटीका लागि केभिन डे ब्रुएनले दोस्रो हाफमा बराबरी गोल गरेपनि त्यसपछि गोलरक्षक एडरसनले खराब प्रदर्शन गर्दा सिटीले हारको सामना गर्नुपर्यो ।
पहिलो हाफको २६ औं मिनेटमा लियोनले अग्रता लिएको थियो । दोस्रो हाफमा पनि पहिलो हाफकै प्रदर्शनलाई निर्नातारता दिएको सिटीले जारी खेलको ७० औं मिनेटसम्म बराबरी गोल फर्काउन सफल भयो ।
त्यस्तै जारी खेलको ७९ अौ मिनेटमा डेम्बेलले गोल गर्दै लियोनलाई २-१ को अग्रता दिलाए । त्यसको ८ मिनेट पछि पुनः डेम्बेलेले ब्यक्तिगत दोस्रो गोलगरी खेलमा लियोनलाई ३-१ को अग्रता दिलाए । र थप समय गोल हुन जस्कदा लियो अन्तिम चारमा प्रवेश गरेको छ ।
अब लियोनले अब सेमिफाइनलमा बायर्न म्युनिखको सामना गर्नेछ । र अर्को खेलमा पीएसजी र आरबी लाइप्जिगले खेल्नेछन् ।
