८ मंसिर २०८१, शनिबार
२०७५ जेष्ठ ८ गते, मंगलवार ०५:२३ मा प्रकाशित
इन्डियन प्रिमियर लिगमा आफ्नो बलिङको जादु देखाउदै सनसनी मच्चयाउन सफल सन्दीप लामिछाने आज स्वदेश आउँदै छन् । जेट एयरवेजको विमानमार्फत लामिछाने आज दिउँसो ४ बजेर १५ मिनेटमा त्रिभुवन विमानस्थलमा आइपुग्ने नेपाली क्रिकेट टिमका व्यवस्थापक रमण सिवाकोटीले जानकारी दिएका छन् ।
आईपीएलबाट फर्किएपछि सन्दीप विश्व ११ बाट वेष्ट इन्डिजविरुद्धको च्यारिटी खेलका लागि इङ्ल्याण्ड प्रस्थान गर्ने कार्यक्रम रहेको छ । दिल्ली डेयरडेभिल्समा २० लाख भारतीय रुपैयाँमा अनुबन्धित भएका सन्दीपले तीन खेलमा १२ ओभर बलिङ गर्दै ८२ रन दिएर ५ विकेट लिन सफल भएका छन् ।
उनले विश्वप्रसिद्ध ब्याट्सम्यानहरु चेन्नई सुपर किंग्सका सुरेस रैना रोयल च्यालेन्जर्स बेंग्लोरका पार्थिव पटेलको विकेट लिन सफल भएका थिए भने मुम्बई इन्डियन्सविरुद्धको खेलमा सूर्यकुमार यादव,ुर्नाल पाण्डे र करन पोलार्डको गरी ३ विकेट लिएर आफ्नो प्रतिभा देखाएका थिए । आईपीएलमा दिल्ली लिग चरणबाटमाथि जान नसके पनि सन्दीपले खेलेका ३ मध्ये २ खेल दिल्लीले जितेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
