१० जेष्ठ २०८३, आईतवार
२०७७ भाद्र ३ गते, बुधबार १२:३३ मा प्रकाशित
काठमाडौँ । नेपालको राष्ट्रिय झन्डा जलाएको गीतसहितको भिडियो सार्वजनिक प्रकरणमा संलग्न गायक सहित ९ जना पक्राउ परेका छन् । पक्राउ पर्नेमा गीतका गायक ग्लाल्जेन दोर्जे तामाङसहित अभिनय र इडिटिङ गर्ने व्यक्ति रहेका छन् ।
उनिहरुलाई केन्द्रीय अनुसन्धान ब्युरो (सीआईबी) ले र महानगरीय अपराध अनुसन्धान महाशाखाले उपत्यकाका विभिन्न स्थानबाट पक्राउ गरेको हो । गायक तामाङ भने कीर्तिपुरबाट पक्राउ परेका हुन् । दुई दिनअघि मङगोल होप नामक युट्युब च्यानलबाट राष्ट्रिय झण्डा जलाइएको भिडियो अपलोड भएको थियो ।
‘देशद्रोही’ शीर्षक राखिएको गीत युट्युबमा सार्वजनिक भएलगत्तै सामाजिक सञ्जाल प्रयोगकर्ताले कारबाहीका लागि प्रहरीको ध्यानाकर्षण गराएका थिए । बाहुन क्षेत्री समुदायलाई गाली गरिएको भिडियोमा राष्ट्रिय झन्डा समेत जलाइएको छ । गीतमा आपत्तिजनक शब्दहरु प्रयोग गरिएको छन् । चार मिनेट २७ सेकेन्ड लामो भिडियोमा प्रधानमन्त्रीसहित नेताहरुको तस्बिर जलाइएको छ । बालबालिकादेखि युवासमेत भिडियोमा प्रयोग भएका छन् ।
विष्णु आधारभूत विद्यालय मकवानपुरमा खिचिएको भिडियो जातीय सद्भावविरुद्धका टेलिभिजन भाषणबाट सुरु गरिएको छ ।
मुलुकी अपराध संहिताले राष्ट्रिय गान वा राष्ट्रिय झण्डा अपमान वा क्षति गर्न निषेध गरेको छ । यदि यस्तो कसूर गरे ३ वर्ष कैद सजाय, ३० हजार जरिवाना वा दुवै हुनसक्ने व्यवस्था छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
